باس قالادا بيىل اباتتاندىرۋ جۇمىستارىنا ەرەكشە نازار اۋدارىلىپ وتىر. اۋدانداردا تۇرعىن الاپتار كوركەي̆ىپ, قوعامدىق كەڭىستىكتەر زاماناۋي تالاپتارعا ساي̆ جاساقتالۋدا.
ماسەلەن, «ءوندىرىس» تۇرعىن الابىنىڭ وزىندە اقبيداي̆, كەنشىلەر, تاي̆بۋرىل كوشەلەرىندە اباتتاندىرۋ جۇمىستارى جۇرگىزىلىپ, پاي̆دالانۋعا بەرىلدى. وسى ماقساتتا تۇرعىنداردىڭ تالاپ-تىلەكتەرى ەسكەرىلدى.
اقبيداي̆ كوشەسىندە سالىنعان قوعامدىق كەڭىستىكتە تۇرعىندارعا ارنالعان ارناي̆ى دەمالىس ورنى, جاسوسپىرىمدەرگە ارنالعان كوپ فۋنكتسيونالدى جاتتىعاتىن جابدىقتار مەن ۆوركاۋتقا ارنالعان ارناي̆ى سپورتتىق الاڭدار, بۇلدىرشىندەر وي̆ناي̆تىن قوندىرعىلار ورناتىلىپ, سونداي̆-اق فۋتبول الاڭى سالىندى. تۇرعىنداردىڭ سۇرانىسى بويىنشا سالىنىپ جاتقان باسكەتبول الاڭى اياقتالۋعا جاقىن. سونىمەن قاتار «ءوندىرىس» تۇرعىن الابىندا جارىق ديودتى شامدار قويۋ جۇمىستارى دا قارقىندى جۇرگىزىلۋدە.
بايقوڭىر اۋدانىنىڭ تۇرعىنى تاتيانا كارگاپۋلوۆا جاڭعىرعان اۋلالار كوپتىڭ كوڭىلىنەن شىعاتىنىن ايتادى. «بۇل الاڭدار ءبىز ءۇشىن ساياباق. كۇندە وسىندا كەلىپ, تىنىعامىز. كەشكە قاراي كەلسەڭىز, اۋداننىڭ جاستار, بالالارىن وسى جەردەن كەزىكتىرەسىز. نەگىزى, بۇعان دەيىن وينايتىن, جاتتىعاتىن جەر بولمايتىن. شىنىمدى ايتسام, مۇنداي ويىن الاڭدارىن قالادان كەزدەستىرمەدىم. ءبىر عانا كەمشىن تۇسى بار. ەرەسەكتەرگە ارنالعان اتكەنشەكتەر ورناتىلعان. الايدا وعان ەشكىم وتىرمايدى, اراسىندا بىرەۋى قۇلاپ, سىنىپ جاتىر. ويتكەنى دۇرىس بەكىتىلمەگەن, جالعانعان جەرلەر وتە ءالسىز. ادام وتىرۋعا قورقادى. دۇرىس جاسالماعان, قالعانىنا كوڭىلىمىز تولادى. اكىمدىككە العىس بىلدىرەمىز» دەدى ول.
مەكتەپ وقۋشىسى اقبولات رايىمقۇل دا ۋاقىتىنىڭ كوپ بولىگى جاتتىعۋ الاڭىندا وتەتىنىن ايتتى. ىندەتكە بايلانىستى قاشىقتان ءبىلىم الىپ جاتقاندىقتان كوپ ۋاقىتىن سپورتقا ارنايدى. «قازىر ۇيدە وتىرىپ, ءبىلىم الۋدامىز. كۇنى بويى ۇيدە وتىرا بەرۋدەن جالىعاسىڭ… سىنىپتاستارىمىزبەن بۇرىن مەكتەپتە كەزدەسەتىن ەدىك, قازىر وسى سپورت الاڭىندا جينالامىز. ءبىر جىل بۇرىن قالانىڭ بالالارى سەكىلدى ءۇيىمىزدىڭ الدىندا جاتتىعۋ قۇرالدارى بولسا عوي دەپ ارمانداعانىم ەسىمدە. بيىل مىنە ارمانىم ورىندالدى. ىندەتكە دەيىن بوكس ۇيىرمەسىنە باراتىن ەدىم. قازىر توقتاپ تۇر. وتە يگى ءىس دەپ ەسەپتەيمىن. نەگىزى مەنىڭ ۇيىمە الىستاۋ, بىراق وسىعان دا ريزامىن» دەدى جەتكىنشەك.
نۇر-سۇلتان قالاسى «بايقوڭىر» اۋدانى اباتتاندىرۋ ءبولىمىنىڭ باسشىسى نۇربول ايتبەكوۆ بيىل اۋداندا 11 جاڭا قوعامدىق كەڭىستىك اباتتاندىرىلاتىنىن ايتتى. «2020 جىلعى قۇرىلىس ماۋسىمىندا اۋدانىمىزدا اۋقىمدى جۇمىستار جۇرگىزىلدى. جالپى, «باي̆قوڭىر» اۋدانىندا 236 اۋلا بار. بارلىعىندا ءتۇرلى وي̆ىن الاڭدارى, فۋتبول, ستريتبول الاڭدارى جاساقتالىپ, كوپ فۋنكتسيونالدى جاتتىعۋ قۇرىلعىلارى ورناتىلىپ جاتىر. بۇگىنگى كۇنى اۋدانداعى 53 اۋلادا اباتتاندىرۋ جۇمىستارى تولىعىمەن اياقتالدى. سونىڭ ىشىندە بيىلعى جوسپار اياسىندا «جاستار» مولتەك اۋدانىنىڭ 17 اۋلاسى اباتتاندىرىلىپ, تۇرعىنداردىڭ پاي̆دالانۋىنا بەرىلدى. سونداي̆-اق 22 اۋلادا جوندەۋ-قالپىنا كەلتىرۋ جۇمىستارى جۇرگىزىلدى. ايتا كەتەرلىگى, بيىلعى جىلى اۋداندا 11 جاڭا قوعامدىق كەڭىستىك اباتتاندىرىلادى» دەپ ءتۇسىندىردى ن.ايتبەكوۆ.
نايما نۇرالىقىزى
