ەلىمىزدە بىرنەشە جىلدان بەرى وتكىزىلىپ كەلە جاتقان «مەكتەپكە جول» اكتسياسى اياسىندا بيىل «ازىرەت سۇلتان» مەشىتىندە «ءبىر بالانى كيىندىر!» اتتى قايىرىمدىلىق شاراسى ءوتتى.
«ازىرەت سۇلتان» مەشىتىنىڭ باس يمامى سەرىكباي ساتىبالدىۇلىنىڭ باستاماسىمەن ۇيىمداستىرىلىپ وتىرعان شارادا تۇرمىسى تومەن وتباسى بالالارىنا جاڭا وقۋ جىلىنا قاجەتتى وقۋ قۇرالدارى مەن مەكتەپ فورمالارى تاراتىلدى.
اكتسيا اياسىندا الەۋمەتتىك جاعدايى تومەن وتباسىنان شىققان 256 وقۋشى مەكتەپ فورماسى مەن قالام-قارىنداش, داپتەر, سومكە سەكىلدى قاجەتتى زاتتارمەن قامتاماسىز ەتىلىپ, قۋانىشقا بولەندى. قايىرىمدىلىق شارالارعا جۇمسالعان جالپى قاراجات كولەمى 5 120 000 تەڭگەنى قۇرادى.
ايتا كەتەيىك, مۇنداي اكتسيا «ازىرەت سۇلتان» مەشىتىندە بىلتىر دا ۇيىمداستىرىلعان ەدى.
«ۇلت بولاشاعى ءبىلىمدى ۇرپاقتىڭ قولىندا ەكەنىن ەسكەرسەك, تەڭىزگە قوسىلعان تامشىداي بولعان بۇل ارەكەتتەردىڭ ەگەمەندى ەلىمىزدىڭ ەرتەڭى ءۇشىن جاسالعانىن ەستەن شىعارمايىق. مەشىت جانە دەمەۋشى ازاماتتاردىڭ ارقاسىندا جۇزەگە اسقان جاقسىلىق ءىستىڭ جالعاسى بولۋىن جازسىن» دەدى سەرىكباي قاجى وراز.
جايىق ناعىماش
