8-10 قازان كۇندەرى «استانا وپەرا» تەاترىنىڭ ساحناسىندا قاراعاندى اكادەميالىق مۋزىكالىق كومەديا تەاترىنىڭ گاسترولدەرى وتەدى. ترۋپپا ي.كالماننىڭ «سيلۆا», ي.شتراۋستىڭ «ۆالس كورولى» وپەرەتتالارىن, ا.كولكەردىڭ «ترۋففالدينو» ميۋزيكلىن, بالالار اۋديتورياسىنا مۋزىكالىق ەرتەگىلەردەن قۇرالعان باعدارلاما ۇسىنادى.
بالالار اۋديتورياسىنا ارنالعان افيشا كومپوزيتور ءالىبي ءابدىنۇروۆتىڭ قازاق اڭىزدارىنا قۇرىلعان «كيەلى سامۇرىق قۇس» مۋزىكالىق ەرتەگىسىمەن 8 قازان كۇنى اشىلادى. قويىلىم بەلگىلى حالىقتىق نىشانداردىڭ قالاي پايدا بولعانىن ءارى قازاقستاننىڭ تاريحىمەن قالاي بايلانىستى ەكەنىن كورسەتەدى. ليبرەتتونىڭ استارىندا تەرەڭ ءمان بار – وتانعا, ءوز حالقىڭا, ونىڭ ءسالتداستۇرى مەن اقىل-پاراساتىنا دەگەن سۇيىسپەنشىلىك.
بالالاردىڭ سۇيىكتى «كىشكەنتاي مۋك» ەرتەگىسى 9 قازان كۇنى ۇسىنىلادى. ول ءار جىلدارى الەمنىڭ كوپتەگەن تەاترلارىندا قويىلدى. باستى كەيىپكەر مۋك – كەدەي, بىراق وتە زەرەك بالا. بىردە ول جەلاياقتار سايىسىندا پاتشانىڭ ءوزىن باسىپ وزادى. شىنايى دوستاردى قالاي تابۋ كەرەكتىگىن, جاقسىلىقتىڭ جاماندىق پەن قىزعانىشتى قالاي جەڭەتىنىن قاراعاندىلىق تەاتردىڭ ەرتەگىسى باياندايدى.
و.كليۋەۆتىڭ بالالارعا ارنالعان «سيقىرلى گۇل» مۋزىكالىق فەەرياسىندا كوپتەگەن اندەر كەزدەسەدى, سيۋجەتتەگى قىزىقتى وزگەرىستەر ەرتەگىنى جاڭا قىرىنان تانىتىپ, تىڭ بوياۋلارمەن ارلەيدى.
