استانا قالاسى قوعامدىق دامۋ ىستەرى جونىندەگى باسقارمانىڭ قولداۋىمەن, «قازاقستان ايەلدەرى قاۋىمداستىعى» قوعامدىق بىرلەستىگىنىڭ ۇيىمداستىرۋىمەن بالالار اراسىندا وتباسىلىق قۇندىلىقتى ناسيحاتتاۋ ماقساتىندا «ەڭ ۇزدىك بيلبورد ەسكيزى» اتتى سۋرەت بايقاۋى ءوتتى.
بايقاۋدا ەلوردا مەن قالا ماڭىنداعى اۋىلداردان 4 پەن 17 جاس ارالىعىنداعى 150-گە جۋىق الەۋمەتتىك جاعىنان از قامتىلعان وتباسىلاردىڭ بالالارى مەن اۋلا كلۋبتارىنىڭ تاربيەلەنۋشىلەرى باق سىنادى. بايقاۋ قورىتىندىسى بويىنشا جانسۇلۋ نۇرماعانبەتوۆا ءى ورىندى جەڭىپ السا, ءىى ورىندى ايزەرە ازبەكوۆا, ءىىى ورىندى گاۋحار سەيتقازينوۆا يەلەندى. باسقا دا بىرقاتار وقۋشىلار ءتۇرلى اتالىم بويىنشا ماراپاتتالدى. جەڭىمپازدار مەن جۇلدەگەرلەرگە اقشالاي سىيلىق پەن قۇندى كىتاپتار تابىستالدى.
«قازاقستان ايەلدەرى قاۋىمداستىعى» قوعامدىق بىرلەستىگىنىڭ ءتورايىمى گۇلنار بايىمبەتوۆانىڭ ايتۋىنشا, الداعى ۋاقىتتا بايقاۋعا ۇسىنىلعان ۇزدىك سۋرەتتەر البوم بولىپ شىعارىلادى. سونىمەن قاتار سۋرەتتەردىڭ كەيبىرى قالانى بەزەندىرۋدە دە قولدانىلۋى مۇمكىن.
