قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ استانانىڭ شەكارالارىن بەلگىلەۋ تۋرالى قاۋلىعا قول قويدى.
قاۋلىعا سايكەس جاڭا بايقوڭىر اۋدانىنىڭ كولەمى 18129 گەكتاردى قۇرايتىن بولدى. ونىڭ اۋماعىنا استانا – قوستاناي باعىتىنداعى تەمىرجولدان قالانىڭ قولدانىستاعى شەكاراسىمەن سولتۇستىككە قاراي اقبۇلاق وزەنىنە دەيىن, اقبۇلاق وزەنى بويىمەن ر.قوشقارباەۆ داڭعىلىنا دەيىن, ر.قوشقارباەۆ داڭعىلىنىڭ جۇپ ساندار جاعىمەن ساۋدا كوشەسىنە دەيىن, ساۋدا كوشەسى بويىمەن ا184 (جوبالىق اتاۋى) كوشەسىنە دەيىن, ودان ءارى اقبۇلاق وزەنى بويىمەن ەسىل جانە اقبۇلاق وزەندەرىنىڭ تۇيىسكەن جەرىنە دەيىن, ەسىل وزەنى بويىمەن قاراوتكەل كوپىرىنە دەيىن, ا.باراەۆ كوشەسى بويىمەن رەسپۋبليكا داڭعىلىنا دەيىن, رەسپۋبليكا داڭعىلىنىڭ جۇپ ساندار جاعىمەن بوگەنباي باتىر داڭعىلىنا دەيىن, بوگەنباي باتىر داڭعىلى جانە الاش تاس جولى بويىمەن تەمىرجولعا دەيىن, تەمىرجول بويىمەن قالانىڭ باتىس شەكاراسىنا دەيىنگى, سونداي-اق, اۋدان شەكاراسىنا 460 گەكتار جەردى الىپ جاتقان قالالىق زيرات اۋماعى كىرەدى.
ال ەلوردانىڭ الماتى اۋدانىنىڭ اۋماعى 15471 گەكتاردى, ەسىل اۋدانىنىڭ اۋماعى 39358 گەكتاردى, سارىارقا اۋدانىنىڭ اۋماعى 6775 گەكتار جەردى الىپ جاتىر.
