15 قازاندا ەلوردادا ۇزدىك الەۋمەتتىك جوبالار بويىنشا بەينەروليكتەر بايقاۋى باستالادى. نۇر-سۇلتان قالاسىنىڭ IX ازاماتتىق فورۋمىن وتكىزۋ قارساڭىندا قالا اكىمدىگى الەۋمەتتىك جوبالاردىڭ بەينە بايقاۋىن جاريالايدى.
بايقاۋعا نۇر-سۇلتان قالاسى اۋماعىندا تىركەلگەن جانە ارەكەت ەتەتىن ۇەۇ قاتىسا الادى. بايقاۋ 2020 جىلعى 15 قازاننان 15 قاراشاعا دەيىن وتكىزىلەدى. بايقاۋعا قاتىسۋ ءۇشىن جوبا تۋرالى 2-دەن 3 مينۋتقا دەيىن ۇزاقتىعىمەن بەينەروليك ءتۇسىرىپ, ونى الەۋمەتتىك جەلىلەردە #elordanpo2020 حەشتەگىمەن جاريالاۋ, بەينەروليككە سىلتەمەنى كورسەتە وتىرىپ, ءوتىنىم جىبەرۋ قاجەت. بايقاۋعا جىبەرىلگەن بەينەروليكتەر بۇرىن جاريالانباۋى جانە سوڭعى ءۇش جىلدا ىسكە اسىرىلعان الەۋمەتتىك جوبالار تۋرالى اقپاراتتى قامتۋى ءتيىس. ءبىر ۇيىمنان ءبىر عانا ءوتىنىم بەرۋگە بولادى. بايقاۋ جەڭىمپازدارى ۇەۇ وكىلدەرىنەن, ساراپشىلاردان جانە مەديا مامانداردان قۇرالعان كاسىبي قازىلار القاسىنىڭ داۋىس بەرۋى ارقىلى تاڭدالادى. وتىنىمدەر 2020 جىلعى 15 قاراشادا ساعات 18:00-گە دەيىن info@elordanpo2020.kz ەلەكتروندىق پوشتاسىنا «ۇەۇ» بەينە بايقاۋى» تاقىرىبىنا بەلگى قويىپ قابىلدانادى.
