استانا كۇنىنە وراي, «حاس سانات» گالەرەياسىندا گەرمانيالىق سۋرەتشى, ديزاينەر, اتاقتى جارناماشى بەرند لۋتستىڭ كورمەسى اشىلدى.
وندا اۆتوردىڭ جابايى تابيعات, ماشينا ۇلگىلەرى, ەۋروپا قالالارىن جانە قازاقستاندى, اسىرەسە, استانىنى قىلقالامىنا ارقاۋ ەتكەن قىرىققا جۋىق تۋىندىسى قويىلىپتى.
كۇندەلىكتى تۇتىناتىن زاتتاردىڭ وبرازى ارقىلى بەرەتىن ابستراكتىلى ەكسپرەسسيونيزمنىڭ ءبىر باعىتى رەتىندە بەينەلەۋ ونەرىندە وتكەن عاسىردىڭ 60-70 جىلدارى پايدا بولعان پوپ-ارت ەۋروپادا كەڭىنەن تانىمال. بەرند ءلۋتستىڭ وسىناۋ ستيلدە سالعان سۋرەتتەرىندەگى قازاقستان – قوناقجاي, كۇن شىرايلى, قارقىندى دامىپ كەلە جاتقان ەل رەتىندە كورىنىس تابادى. كورمە 9 شىلدەگە دەيىن جالعاسادى.
ايجان قاسىموۆا
