قر مەملەكەتتىك قىزمەت ىستەرى جونىندەگى اگەنتتىكتىڭ استانا قالاسى بويىنشا دەپارتامەنتىنىڭ باسشىسى-تارتىپتىك كەڭەستىڭ توراعاسى تىلەگەن قاسكيننىڭ قاتىسۋىمەن قوعامدىق كەڭەستىڭ ەكىنشى وتىرىسى ءوتتى. كۇن تارتىبىندە حالىققا مەملەكەتتىك قىزمەت كورسەتۋدىڭ ساپاسى قارالدى.
قوعامدىق كەڭەستىڭ ءماجىلىسىن اشقان تىلەگەن قاسقين حالىققا مەملەكەتتىك قىزمەت كورسەتۋدىڭ ساپالى بولۋى ەڭ باستى مىندەت ءارى تالاپ بولىپ قالا بەرەتىنىن جەتكىزىپ, قازىرگى كەزدە مەملەكەتتىك ورگانداردىڭ جۇمىسى باعالاناتىنىن, وسى رەتتە, الدىمەن مەكەمە باسشىسى جۇمىسىنىڭ دەڭگەيى انىقتالاتىنىن ايتىپ ءوتتى. كۇن تارتىبىندەگى ماسەلە بويىنشا قر مەملەكەتتىك قىزمەت ىستەرى جونىندەگى اگەنتتىكتىڭ استانا قالاسى بويىنشا دەپارتامەنتىنىڭ كەڭەسشى-ينسپەكتورى تالعات مۇقانوۆ ساۋلەت جانە قالا قۇرىلىسى باسقارماسىندا, جەر قاتىناستارى باسقارماسىندا, كەدەندىك باقىلاۋ دەپارتامەنتىندە مەملەكەتتىك قىزمەت كورسەتۋ جونىندەگى زاڭدىلىقتاردىڭ ساقتالۋىنا جۇرگىزىلگەن تەكسەرۋلەردىڭ ناتيجەسىن بايانداپ بەردى. سونىمەن قاتار, جوعارىدا اتالعان مەملەكەتتىك ورگانداردىڭ وكىلدەرى دە جۇرگىزىلىپ جاتقان جۇمىستارى بويىنشا مالىمەتتەرىن ايتتى.
كەڭەس جۇمىسىن قورىتىندىلاعان تىلەگەن قاسكين مەملەكەتتىك قىزمەت كورسەتۋدىڭ ساپاسىن جەتىلدىرۋ جونىندە بىرقاتار ۇسىنىستارىن جەتكىزىپ, ونىڭ ىشىندە قىزمەت كورسەتۋدىڭ پروتسەدۋرالارى تۋرالى بۇقارالىق اقپارات قۇرالدارى, ينتەرنەت-رەسۋرستار جانە تاراتىلىپ بەرىلەتىن ماتەريالدار ارقىلى تۇسىندىرمە جۇمىستارىن جانداندىرۋ قاجەتتىلىگىن ايتتى.
عالىم قوجابەكوۆ
