استانادا وتەتىن «ەكسپو 2017» كورمەسىنە بيلەتتەردى ونلاين-ساتۋ باستالدى. بيلەت باعدارلاماسى بويىنشا ءاربىر قازاقستاندىق كورمەنى كورۋ مۇمكىندىگىنە يە بولادى.
ەكسپوزيتسيانى ۇلى وتان سوعىسىنىڭ قاتىسۋشىلارى مەن مۇگەدەكتەرى, ءمۇمكىندىگى شەكتەۋلى جاندار, جەتىم جانە 6 جاسقا دەيىنگى بالالار تەگىن تاماشالاي الادى. ال, زەينەتكەرلەر, كوپبالالى انالار, ستۋدەنتتەر مەن وقۋشىلارعا جەڭىلدىك جاسالادى.
ەكسپو كورمەسىنە 2 ميلليوننان اسا قوناق كەلەدى دەپ كۇتىلۋدە. قازىرگى كەزدە 89 مەملەكەت پەن 15 حالىقارالىق ۇيىم وسى شاراعا قاتىساتىندارىن راستادى.
بيلەتتەر ساتىلىمعا كەزەڭ-كەزەڭىمەن شىعارىلادى. ماسەلەن, 10 ماۋسىم مەن 10 شىلدە ارالىعىندا پروموكەزەڭ وتكىزىلەدى. بۇل كەزدە بيلەتتى بارىنشا تومەن باعامەن ساتىپ الۋعا بولادى. ال 10-20 ماۋسىمدا 50 پايىزدىق, 21-30 ماۋسىمدا 30 پايىزدىق, 1-10 شىلدەدە 20 پايىزدىق جەڭىلدىك جاسالادى.
سونىمەن قاتار, 10 شىلدە مەن 10 تامىز ارالىعىندا تۋروپەراتورلار مەن رەسەللەرلەر ءۇشىن پروموكەزەڭ ۇيىمداستىرىلادى. ۇستىمىزدەگى جىلدىڭ 1 قىركۇيەگىندە بارشا قازاقستان بويىنشا وفلاين-كاسسالار اشىلادى. ۇلتتىق مەرەكەلەردى وتكىزۋ اياسىندا بيلەتتەردى كوشپەلى ساتۋ جوسپارلانعان. بۇدان بولەك, بيلەت ساتۋعا «ەكسپو 2017» سەرىكتەستەرى – «قازپوشتا», «قازاقستان تەمiر جولى», «Air Astana» كومپانيالارى تارتىلادى.
بيلەتتەردى الدىن الا ساتۋ بيىلدان باستاپ 2017 جىلدىڭ 9 ماۋسىمىنا دەيىن جۇرگىزىلەدى. بيلەتتى www.tickets.expo2017astana.com سايتىنان ساتىپ الۋعا بولادى.
