ەلباسىمىزدىڭ ءار جىلعى جولداۋىنىڭ ءوز ەرەكشەلىگى بار. ال بيىلعى جولداۋعا كەلسەك, ول ماعان بىردەن قازاقستان رەسپۋبليكاسىنىڭ كونستيتۋتسياسىنىڭ 1-بابىن ەسكە ءتۇسىردى. اتا زاڭنىڭ 1-بابىندا «قازاقستان رەسپۋبليكاسى ءوزىن دەموكراتيالىق, زايىرلى, قۇقىقتىق جانە الەۋمەتتىك مەملەكەت رەتىندە ورنىقتىرادى, ونىڭ ەڭ قىمبات قازىناسى – ادام جانە ادامنىڭ ءومىرى, قۇقىقتارى مەن بوستاندىقتارى» دەپ جازىلعان. مىنە, جولداۋ باستان-اياق سول كونستيتۋتسيامىزدا كورسەتىلگەن ەڭ قىمبات قازىنا – ادام جانە ادامنىڭ ءومىرى, قۇقىقتارى مەن بوستاندىقتارى ءۇشىن بارىنشا جاعداي جاساۋعا باعىتتالعانى كورىنىپ تۇر.
بۇل – ءبىزدىڭ جاس مەملەكەتىمىزدىڭ كەمەلدىلىككە قادام باسقاندىعىنىڭ ايعاعى. ەكىنشىدەن, ىشكى جالپى ءونىمنىڭ 10 پايىزىن ءبىلىم سالاسىنا ءبولۋ دەگەن الەمنىڭ ەشبىر مەملەكەتىندە جوق كورسەتكىش! ءبىلىم – ءبىرىنشى وندىرگىش كۇش! سوندىقتان, ءبىرىنشى كەزەكتە ءبىلىم سالاسىنا كوڭىل بولگەن ەلدەردىڭ ءبارى قازىرگى تاڭدا كوشباسشى مەملەكەتتەردىڭ قاتارىندا تۇر.
شىنىمدى ايتسام, جولداۋدى وقىپ وتىرىپ, قازاقستاندى وسى تىلمەن سالعان سۋرەتتەگى عاجايىپ شۇعىلالى بiر جاعاعا, ۇزاق ساپارعا تارتىپ بارا جاتقان الىپ كەمەگە ۇقساتتىم مەن.
الىپ كەمە كوك بايراعىن جەلبىرەتىپ, كوك تەڭىزدە العا باسا بەرسىن!
