قۇجاتتاردى قابىلداۋ egov.kz ەلەكتروندى ۇكىمەت پورتالى ارقىلى جانە قاعاز فورماتتا جۇرگىزىلىپ جاتىر. بۇگىنگى تاڭدا ءبىرىنشى سىنىپقا 21 406 ءوتىنىش بەرىلىپ, 16 123 ءوتىنىش قابىلدانعان.
جاڭا وقۋ جىلى, ادەتتەگىدەي 1 قىركۇيەكتەن باستالىپ, بارلىق مەكتەپتەر (1-11 سىنىپتاردا) مەن كوللەدجدەردە وقۋ قاشىقتان جۇرگىزىلەدى. باستاۋىش سىنىپ وقۋشىلارى ءۇشىن (1-دەن 4-كە دەيىن) «كەزەكشى سىنىپ» جۇمىس ىستەيدى. ياعني, اتا-انالاردىڭ ءوتىنىشى بويىنشا, قاتاڭ سانيتارلىق تالاپتاردى ساقتاي وتىرىپ, «كەزەكشى سىنىپتار» اشىلادى. وقىتۋ بىرنەشە اۋىسىممەن ۇيىمداستىرىلادى.
مەكتەپكە وقۋعا قۇجاتتاردى قابىلداۋ 20 تامىزعا دەيىن جۇرگىزىلەدى.
