«ADAL» پارتياسىنىڭ وكىلدەرى ەلوردادا بوس جۇمىس ورىندارى جارمەڭكەسىن وتكىزدى. جارمەڭكەگە قاتىسقان 20 جۇمىس بەرۋشى 50-گە جۋىق بوس جۇمىس ورىندارىن ۇسىندى. بۇل – ساياسي ۇيىمنىڭ ۇگىت-ناسيحات ناۋقانى باستالعالى ۇيىمداستىرعان ءۇشىنشى ءىس-شاراسى.
جۇمىسسىزداردىڭ سانىن ازايتۋ – ادالدىقتاردىڭ سايلاۋالدى باعدارلاماسىنداعى ەڭ وزەكتى تارماقتارىنىڭ ءبىرى. ولار 10 جەلتوقساننان بەرى الماتى مەن شىمكەنتتەگى جۇمىسسىزداردىڭ ماسەلەسىن شەشۋگە اتسالىسقان.
ەندى, مىنە, سونداي جارمەڭكە نۇر-سۇلتان قالاسىندا جالعاسىن تاپتى. ءبىر كۇندىك جارمەڭكەگە 20-عا جۋىق كاسىپورىن قاتىستى. جۇمىس ىزدەگەن 70-تەن اسا ازاماتتار تۇيىندەمەلەرىن قالدىردى. ۇيىمداستىرۋشىلاردىڭ ايتۋىنشا, ەلوردادا مەحانيزاتورلارعا, قۇرىلىسشىلارعا, سونداي-اق مەنەدجەرلەرگە سۇرانىس كوپ.
«ADAL» پارتياسىنىڭ مۇشەسى سەرىكبول ءابجانوۆ ادالدىقتاردىڭ قوعامداعى الەۋمەتتىك ماسەلەلەردى ءجۇيەلى تۇردە شەشۋگە كۇش-جىگەرىن اياماي جۇمساپ جاتقانىن ايتادى. «جۇمىس ىزدەگەن ادامدارعا 15 كومپانيا ءوز ۇسىنىستارىن كورسەتى. ءبىز بۇل جارمەڭكەگە بارىنشا كوبىرەك ادام تارتۋعا تىرىستىق. قازىر الەۋمەتتىك جەلىلەردىڭ مۇمكىندىكتەرىن پايدالاندىق. سونىڭ ناتيجەسىندە ادامدار كوپ جينالدى. مىسالى, 1 ساعاتتىڭ ىشىندە 30 شاقتى ادام كەلىپ ءتۇيىندەمەلەرىن كورسەتتى. ولار جۇمىس بەرۋشىلەرمەن اشىق سۇحباتتاسىپ, قارىم-قاتىناس ورناتتى. ەپيدەميولوگيالىق جاعدايعا بايلانىستى جارمەڭكەدە بارلىق سانيتارلىق تالاپتار ساقتالدى» دەدى ول.
«ADAL» پارتياسىنىڭ جاقتاستارى قوعامداعى الەۋمەتتىك ماسەلەلەردى شەشۋ ءۇشىن بارىنشا كۇش سالۋعا بەكىنگەنى اڭعارىلادى. ءبىر قۋانارلىعى, جۇمىسسىز ازاماتتار پارتيانىڭ رەسمي سايتى ارقىلى دا ءوزىنىڭ ءوتىنىشىن جىبەرە الادى. اتاپ ايتساق, پارتيانىڭ سايلاۋالدى باعدارلاماسىندا حالىققا جۇمىس ىزدەۋگە, جۇمىسسىز رەتىندە تىركەلۋگە, جۇمىسقا ورنالاسۋعا نەمەسە اڭگىمەلەسۋ كەزەڭدەرىندە كومەك كورسەتىلەتىنى ايتىلعانى ءمالىم.
سەرىكبول ءابجانوۆ جۇمىسسىز جۇرگەن جانداردان كەلىپ تۇسكەن وتىنىشتەر ەلەۋسىز قالمايتىنىن ايتادى. «پارتيانىڭ وكىلدەرى سايتىمىزعا كەلىپ تۇسكەن بارلىق شاعىمداردى ءوزىنىڭ باقىلاۋىنا الادى. ءاربىر جۇمىس ىزدەگەن ادامعا قاي جەردە جاڭا جۇمىس ورنى بار, سول جەردەن اقپارات الىپ, كومەك قولىن سوزۋعا دايىن» دەدى ول پارتيانىڭ نەگىزگى باعىت-باعدارىن ءتۇسىندىرىپ.
«ADAL» پارتياسى وكىلدەرىنىڭ مەكتەپ وقۋشىلارىنا ارنالعان تەستى دايىنداعانى دا بەلگىلى. ساۋالناما سۇراقتارىنا جاۋاپ بەرگەن ءار بالا وزىنە ۇنايتىن ماماندىقتى تاڭداپ, بىلىكتى مامان بولۋعا ەرتەرەك دايىندالادى.