مەرەيلى مەرەكە قارساڭىندا استانا قالاسى بويىنشا كەدەندىك باقىلاۋ دەپارتامەنتى قىزمەتكەرلەرى ۇلى وتان سوعىسىنىڭ ارداگەرى دۇيسەنوۆ شۇعاي اتاعا قۇرمەت كورسەتتى. قارتتىڭ بۇگiلگەن بەلiنە سۇيەۋ بولۋ – قازاق حالقىنىڭ ءداستۇر ساباقتاستىعى. «تورiڭنەن قارت كەتپەسiن!» دەپ تىلەيتىنىمىز سوندىقتان. ەل باسىنا كۇن تۋعان, قيىن-قىستاۋ كۇندەردە جۇرتىنا قامقور بولعان قارتتىڭ ءبىرى – دۇيسەنوۆ شۇعاي. اتانىڭ جاسى قازىر 90-نان استى. ول 1941 جىلى سوعىسقا اتتانىپ, ەكى اياعىنان ايىرىلعان سوعىس ارداگەرى. قازىر 26 نەمەرە مەن 15 شوبەرەنىڭ ورتاسىندا قيان اجەمەن باقىتتى ءومىر سۇرۋدە.
قارتتار كۇنىندە جەڭىستى ءساتتى جاقىنداتقان اتامىزعا قۇرمەت كورسەتىلىپ, سىيلىق بەرىلدى. كەزدەسۋدە شۇعاي اتا ەل باسىنا كۇن تۋعاندا قولدارىنا قارۋ العان قازاق جاۋىنگەرلەرىنىڭ ولشەۋسىز ەرلىكتەرى تۋرالى اڭگىمەلەپ بەردى.
زۋلفيرا سپانوۆا,
استانا قالاسى بويىنشا كەدەندىك باقىلاۋ دەپارتامەنتىنىڭ باس مامانى
