الداعى 2014 جىلدىڭ 7 – 23 اقپان ارالىعىندا سوچي قالاسىندا ءححىى قىسقى وليمپيادا ويىندارى وتەدى. وسى بايراقتى باسەكەدە قازاقستان قۇراماسى كوماندالىق 20-23 ورىننان كورىنۋدى مەجەلەپ وتىر. بۇل تۋرالى بۇگىن ۇكىمەت وتىرىسىندا قر سپورت جانە دەنە شىنىقتىرۋ اگەنتتىگىنىڭ توراعاسى تاستانبەك ەسەنتاەۆ ءمالىم ەتتى.
سوچي ويىندارىندا قازاقستان ۇلتتىق قۇراماسىنىڭ سپورتشىلارى وليمپيادالىق باعدارلاماعا كىرەتىن 15 سپورت ءتۇرىنىڭ 11-ءى بويىنشا 40 ليتسەنزيا جەڭىپ الۋدى جوسپارلاعان. بۇگىنگى تاڭدا 7 سپورت تۇرىنەن 33 سپورتشىمىز وليمپيادا جولداماسىنا يە بولىپ وتىر. ءتۇرلى حالىقارالىق جارىستاردا سوچي ويىندارىنا بەرىلەتىن ليتسەنزيالار ءالى دە ساراپقا سالىنىپ جاتىر. جولداما ءۇشىن سايىسقا تۇسۋشىلەر قاتارىندا قازاقستان سپورتشىلارى دا بار.
