اۋا رايىنىڭ جىلىنۋىمەن قۋراعان شوپتەردىڭ جانۋ قاۋپى ارتا تۇسەدى, دەپ حابارلايدى astana-akshamy.kz
وسى ورايدا, ەلوردا اۋماعىندا ءورت قاۋىپتى كەزەڭدە قۇرعاق شوپتەر مەن قامىستاردىڭ ورتەنۋىنىڭ الدىن الۋ ماقساتىندا استانا قالاسى اكىمدىگى مەردىگەرلىك ۇيىمدارمەن بىرگە قامىستى شابۋ جۇمىستارىن جۇرگىزۋدە.
ءورت قاۋىپتى كەزەڭدە ورتتەر ەگىن قالدىقتارىنىڭ, قۋراعان جەرلەردىڭ, تۇرمىستىق قوقىستاردىڭ باقىلاۋسىز ورتەنۋىنەن بولادى. ءورت سالدارىنان ۇيلەر, شارۋاشىلىق عيماراتتار, جەم-ءشوپ, اۆتوتەحنيكا جويىلادى.
ەلدى مەكەندەردىڭ, اۋماقتاردىڭ, قىزمەت تۇرىنە جانە مەنشىك نىسانىنا قاراماستان ۇيىمدار ورتكە قارسى الشاقتىقتار شەگىندە جانعىش قالدىقتاردان, قوقىستاردان, ىدىستاردان, قۇرعاق شوپتەردەن, مامىقتان, جانعىش ماتەريالداردان ۋاقتىلى تازارتىلۋى ءتيىس.
سونداي-اق, اۋماقتاردى جيناۋ كەزىندە قوقىس پەن ىدىستاردى جاعۋعا عيماراتتارعا, قۇرىلىستارعا 50 مەتردەن جاقىن جول بەرىلمەيتىنىن ايتا كەتۋ كەرەك. وسى ماقساتتار ءۇشىن ارنايى بولىنگەن ورىنداردا قالدىقتار مەن ىدىستاردى جاعۋ باقىلاۋمەن جۇرگىزىلۋى ءتيىس. ەشقانداي جاعدايدا وتتى قاراۋسىز قالدىرۋعا بولمايدى. قاراۋسىز قالعان كىشكەنتاي وت ۇلكەن اپاتقا اكەلۋى مۇمكىن.
