ۇرپاعىنا وشپەس ونەگە, ولمەس ءبىلىمدى اسىل مۇرا ەتىپ قالدىرعان ۇلى اباي الەمى – شەكسىز الەم. ول – ۇلتىمىزدىڭ بيىك تۇعىرى, حالقىمىزدىڭ باعا جەتپەس مۇراسى مەن رۋحاني ازىعى.
پرەزيدەنتىمىز قاسىم-جومارت كەمەلۇلى اتاپ وتكەندەي, «ۇلى اباي – ءبىزدىڭ ەلىمىزدىڭ ماقتانىشى عانا ەمەس, الەمدىك دەڭگەيدەگى كەمەڭگەر». سوندىقتان دا بولاشاق ۇرپاق پەن جاس تولقىن ءۇشىن عۇلاما اقىننىڭ وسيەتتەرى مەن ونەرى – اسىل قازىنا. وسىنداي ۇلى تۇلعامىزدى دارىپتەپ, ۇلگى تۇتۋ – ءسىز بەن بىزگە امانات.
اباي «ءبىرىڭدى, قازاق, ءبىرىڭ دوس كورمەسەڭ, ءىستىڭ ءبارى بوس» دەپ ءحىح عاسىردا-اق بىرلىك ارقىلى كۇللى ادامزاتتىڭ كوشىنە ىلەسە بىلۋگە شاقىردى. بۇگىنگى قيلى زامان, تۇراقسىز ساياسات الەمىندە بارشا تابىسىمىز بەن جەتىستىگىمىز قازاقستاندىق قوعامدا بىرلىك پەن كەلىسىمدى نىعايتۋعا باعىتتالعان دايەكتى ساياساتتىڭ ۇلكەن ناتيجەسى دەپ بىلەمىن. جۇرتىمىز تىنىش, ەلىمىز امان بولسىن, اعايىن!
اكبارجان يسمايلوۆ,
قازاقستان حالقى اسسامبلەياسى توراعاسىنىڭ ورىنباسارى
