مالايزيا پاۆيلونى كەلۋشىلەردى دجۋنگلي الەمىنە ساياحاتتاۋعا شاقىرادى.
مالايزيالىقتار LED-ەكراندارعا قالىڭ تروپيكالىق ورماندى شىعارىپ, ەلدىڭ تابيعي لاندشافتىن كورسەتۋگە بارىن سالدى. مۇندا ءداستۇر مەن زاماناۋي تەحنولوگيالار ءوزارا ۇيلەسىم تاۋىپ, ەنەرگيانى ۇنەمدەيتىن شامدار, جاڭعىرمالى ەنەرگيا كوزدەرىن پايدالانۋ جانە جابايى تابيعاتتى قورعاۋ باعىتىندا اتقارىلىپ كەلە جاتقان جۇمىستارمەن تانىساسىزدار.
ۇيىمداستىرۋشىلار ينتەللەكتۋالدى جارىقتاندىرۋ سالاسىنداعى ۇزدىك جەتىستىكتەرىن كورسەتپەكشى. ولاردىڭ ەنەرگيا ۇنەمدەيتىن شامدارى ەنەرگيانى ەكى ەسە از تۇتىنادى.
پاۆيلون اۋماعىندا پلاستيكالىق قوقىستان قايتا وڭدەلىپ جاسالعان كيىم-كەشەك ساتىپ الۋعا مۇمكىندىك بار. سونداي-اق, مالايلىق قىزداردىڭ ورىنداۋىندا ءداستۇرلى ءبيدى تاماشالاپ, جەرگىلىكتى تاعامداردىڭ ءدامىن تاتىپ كورۋگە بولادى. مالايزيالىقتار ەلورداعا 90 مەترلىك كەنەپتى الىپ كەلدى, وندا پاۆيلون قوناقتارى ىستىق بالاۋىزبەن ءوز قولتاڭبالارىن قالدىرا الادى. كورمە اياقتالعاننان كەيىن ونەر تۋىندىسىن مالايزياعا الىپ كەتىپ, ەكسپوزيتسيالاردىڭ بىرىنە قويادى.
گۇلدانا تالعاتقىزى
