مەملەكەت باسشىسى قاسىم-جومارت توقاەۆتىڭ «قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ كەزەكتى سايلاۋىن تاعايىنداۋ تۋرالى» جارلىعىنا سايكەس 2021 جىلدىڭ 10 قاڭتارىندا وتەتىن سايلاۋ قازاقستاندىق پارلامەنتاريزمنىڭ دامۋىنا تىڭ سەرپىن بەرەدى دەپ كۇتىلۋدە.
پارلامەنتتىك وپپوزيتسيا ينستيتۋتىن قۇرۋ ماسەلەسىن قاراستىراتىن جانە ونىڭ قىزمەتىن رەگلامەنتتەيتىن وزگەرىستەر مەن تولىقتىرۋلار جاسالدى. العاش رەت پارتيالىق تىزىمگە ايەلدەر مەن جاستار ءۇشىن 30 پايىزدىق كۆوتا ەنگىزىلدى. ورتالىق سايلاۋ كوميسسياسىنىڭ قاۋلىسى سايكەس ءماجىلىس دەپۋتاتتارىمەن قاتار بارلىق دەڭگەيدەگى ءماسليحات دەپۋتاتتارىنىڭ سايلاۋى دا ءبىر مەزگىلدە وتەتىن بولىپ وتىر. ءماسليحات دەپۋتتاتتارى ءبىرىنشى رەت پارتيالىق ءتىزىم بويىنشا سايلانادى.
سايلاۋ ناۋقانىنا ەنگىزىلگەن جاڭا باستامالار پارتيالارعا ەلىمىزدىڭ ساياسي جۇيەسىندەگى ۇستانىمىن نىعايتۋ ءۇشىن قوسىمشا مۇمكىندىكتەر بەرەتىن بولادى.
الداعى جىلدىڭ باسىندا وتەتىن ءماجىلىس دەپۋتتارىن سايلاۋ تاۋەلسىز ەل تاريحىنداعى جەتىنشى شاقىلىمداعى سايلاۋ بولماق.
