ەلوردادا 30 كۇنگە سوزىلعان دەزينسەكتسيالىق جۇمىستاردىڭ كەزەكتى كەزەڭى اياقتالدى.
اتقارىلعان جۇمىستاردىڭ ناتيجەسىنە وراي استانا قالاسىنىڭ تۇتىنۋشىلاردىڭ قۇقىقتارىن قورعاۋ دەپارتامەنتىمەن قوسا جالپى اۋماعى 721,8 گا جەر, 4 قالالىق ساياباق, ەسىل وزەنىنىڭ جاعالاۋى جانە 14 قوناق ءۇي كەشەنى مەن ادامدار كوپ جۇرەتىن 19 اۋماق تەگىستەي وڭدەلدى.
دەپارتامەنت قىزمەتكەرلەرىنىڭ ايتۋىنشا, دەزينسەكتسيالىق جۇمىستاردى جۇرگىزۋگە ءتيىمدى ۋاقىت – ءساۋىر-قىركۇيەك ايلارى. سونىمەن قاتار, ەلوردالىق تۇرعىندار مەن قالا قوناقتارىنا قولايسىزدىق تۋدىرماس ءۇشىن وڭدەۋ جۇمىستارى تۇنگى ۋاقىتتا وتكىزىلەدى. جۇمىستىڭ جونىمەن اتقارىلۋى ءۇشىن الدىمەن ماسالار كوبەيەتىن جەرلەر انىقتالادى, سودان كەيىن وڭدەلەدى جانە قورعانىس توسقاۋىلى ورناتىلادى. بۇدان بولەك, قالاداعى تۇرعىن الاپتارىنا شىبىن-شىركەيلەردىڭ تاراۋىن بولدىرماۋ ماقساتىندا تۇرعىن ءۇي سەكتورلارىندا دەزينسەكتسيا جۇمىستارى قولعا الىندى.
ال ەتنومولوگتار وڭدەۋ جۇمىستارىن قاجەت ەتەتىن اۋدانداردى انىقتاۋ ءۇشىن كۇن سايىن مونيتورينگ جۇرگىزىپ وتىرادى. مامانداردىڭ ايتۋىنشا, وسى جولى ماسالاردىڭ كوبەيۋىن باقىلاۋ قيىنعا سوعاتىن ءتۇرى بار. ۆەدومستۆو وڭدەۋدىڭ كەلەسى كەزەڭىن جاۋىن-شاشىننىڭ جانە كۇشتى جەلدىڭ سوعۋىنا بايلانىستى توقتاتۋعا ءماجبۇر.
نۇريسلام قۇسپانعالي
