بيىلعى جازدىڭ اپتاپ ىستىعىنا شىداي الماعان حالىقتىڭ جاپپاي جاعاجايلاردى تولتىرىپ جاتقانىن كوزىمىز كورىپ ءجۇر. استانا قالالىق تجد ءباسپاسوز قىزمەتىنە سەنسەك, بيىلعى شومىلۋ ماۋسىمى باستالعاننان بەرى ەلوردا سۋ قويمالارىندا توعىز ادام سۋعا كەتكەن.
قۇتقارۋشىلاردىڭ دەرەكتەرى بويىنشا, جىل سايىن استانا قالاسى سۋ قويمالارىندا جالپى سانى 12-دەن 25-كە دەيىن ادام كوز جۇمادى ەكەن. ال, وسى قازا تاپقانداردىڭ 99 پايىزى تىيىم سالىنعان جانە جابدىقتار ورناتىلماعان جەرلەردە شومىلۋ كەسىرىنەن باقيلىق بولعان.
استانا قالاسىنىڭ سۋدا قۇتقارۋ قىزمەتتەرى جىل سايىن بىرنەشە ادامدى قۇتقارىپ كەلەدى. سۋعا كەتكەندەردىڭ كوبىندە سۋ جۇتىپ قويۋ جانە دەمى توقتاپ قالۋ جاعدايلارى كەزدەسەدى. ءتىپتى, جۇرەك سوعۋى توقتاپ قالعان كەزدەر دە ءجيى بولىپ تۇرادى ەكەن. ەگەر, بۇل ادامدار جاعاجايدان الىس جەردە بولسا, جاردەمدەسەتىن بىلىكتى مامانداردىڭ بولماۋىنان اجالعا ارا ءتۇسۋ قيىنداپ كەتەر ەدى. سول سەبەپتى, قالالىق قۇتقارۋ قىزمەتكەرلەرى سۋدا ءوزىن-ءوزى ۇستاۋ ەرەجەسىن ساقتاۋدى قاتاڭ ەسكەرتەدى.
