ەكى قولعا ءبىر جۇمىس
استانا قالالىق جۇمىسپەن قامتۋ ورتالىعىنا جۇگىنگەندەردىڭ 74,3 پايىزى جۇمىسپەن قامتىلدى.
بيىلعى جىلدىڭ باسىنان بەرى جۇمىسپەن قامتۋ ورتالىعىنا 5748 ادام جۇمىس ءىزدەپ كەلگەن. ولاردىڭ 2858-ءى – جۇمىسقا ورنالاستىرىلدى.
سونىڭ ىشىندە 100 ادام – قوعامدىق جۇمىس ورىندارىنا, 254-ءى جاستار پراكتيكاسىنا جىبەرىلدى. قوعامدىق جۇمىستارعا بارلىعى 1 مىڭداي ازامات تارتىلدى. كاسىپتىك دايارلاۋ, قايتا دايارلاۋ جانە بىلىكتىلىگىن ارتتىرۋ كۋرستارىندا 414 ادام وقىپ ءجۇر.
جۇمىسسىزدىقتان الەۋمەتتىك قورعاۋ شارالارى – ەلىمىزدەگى الەۋمەتتىك ساياساتتىڭ ءبىر بولىگى. وسى باعدارلامانىڭ نەگىزگى تىرەگى – جۇرتشىلىقتى جۇمىسپەن قامتۋ جانە قايتا مامانداندىرۋ. ونى ىسكە اسىرۋعا مەملەكەت جانە جەكە كاسىپكەرلەر قاتىسادى.
ايتا كەتەتىن جايت, تەك «جۇمىسپەن قامتۋ جول كارتاسى – 2020» باعدارلاماسى شەڭبەرىندە اعىمداعى جىلى استانا قالاسىندا بالاباقشالار, مەكتەپتەر, اۋرۋحانالار سياقتى 55 قوعامدىق نىسان جوندەۋدەن وتكىزىلمەك. وسىعان سايكەس 550-دەن استام جاڭا جۇمىس ورنى قۇرىلادى.
بوتاگوز ماراتقىزى