بۇگىنگى اۋا رايىنىڭ قولايسىزدىعىنا بايلانىستى استانا مەكتەپتەرىندەگى ەكىنشى اۋىسىمنىڭ 0-9 سىنىپ وقۋشىلارى دا ونلاين وقيتىن بولدى, دەپ حابارلايدى astana-akshamy.kz
استانا قالالىق ءبىلىم باسقارماسى تاراتقان حابارلامادا: «2024 جىلعى 9 اقپان كۇنى اۋا رايىنىڭ قولايسىزدىعىنا بايلانىستى ەكىنشى اۋىسىمنىڭ 0-9 سىنىپ وقۋشىلارى قاشىقتان وقىتۋ فورماتىنا اۋىستىرىلادى», – دەلىنگەن.
9 اقپان كۇنى ءبىرىنشى اۋىسىمدا وقيتىن 0-11 سىنىپ مەكتەپ وقۋشىلارى مەن كوللەدجدەردىڭ 1-2 كۋرس ستۋدەنتتەرى دە قاشىقتان وقىعان ەدى.
«قازگيدرومەت» رمك دەرەكتەرىنە سايكەس ەلوردادا 9 اقپاندا بوران, كوكتايعاق بولادى. وڭتۇستىك-باتىستان جانە باتىستان سوققان جەل ەكپىنى 15-20 م/س, 23-28 م/س, 9 اقپاندا تاڭەرتەڭ 30 م/س جانە ودان دا كوپ بولادى دەپ بولجانۋدا.
بۇعان دەيىن قارلى بوران مەن جەلدىڭ كۇشەيۋىنە بايلانىستى استانا قالاسىنىڭ توتەنشە جاعدايلار دەپارتامەنتى ەلوردا تۇرعىندارى مەن قوناقتارىن قالادان تىس جەرلەرگە بارۋدان باس تارتۋعا جانە قىراعى بولۋعا, اۋا رايىنىڭ وزگەرۋى, ەنگىزىلگەن شەكتەۋلەر تۋرالى اقپاراتتى قاداعالاپ وتىرۋعا كەڭەس بەرەدى.
