كەشە استانادا مەملەكەت باسشىسى نۇرسۇلتان نازارباەۆ «استانا ەكسپو-2017» ارحيتەكتۋرالىق جوباسىنىڭ تۇجىرىمداماسىمەن تانىستى. بۇل تۋرالى قر پرەزيدەنتىنىڭ رەسمي سايتىندا جاريالاندى.
كورمەنىڭ ەڭ ۇزدىك جوباسىنا ارنالعان كونكۋرستىڭ جەڭىمپازى «Adrian Smith+Gordon Gill Architecture LLP» كومپانياسىنىڭ اقوردادا وتكىزگەن تانىستىرىلىمى بارىسىندا مەملەكەت باسشىسى «ەكسپو-2017» استانادا بۇرىن-سوڭدى وتپەگەن ءىرى ءىس-شاراعا اينالاتىنىن اتاپ ءوتتى. – بۇل كەشەن قالا كەلبەتىن تۇبەگەيلى وزگەرتەدى. مەن كونكۋرسقا قاتىسۋشىلاردىڭ «ەكسپو-2017» نەگىزگى عيماراتىنا ۇسىنعان 50 جوباسىنىڭ بارلىعىمەن تانىسىپ شىقتىم. سودان كەيىن ولاردىڭ اراسىنان ۇزدىك 10 جوبا ىرىكتەلدى, ونىڭ ىشىندە «Adrian Smith+Gordon Gill Architecture LLP» نۇسقاسىن تاڭداۋ جونىندە شەشىم قابىلداندى. بۇل كومپانيانىڭ تەك قۇرىلىس قانا ەمەس, «جاسىل ەكونوميكا» سالاسىندا دا مول تاجىريبەسى بارى ەسكەرىلدى, – دەدى قازاقستان پرەزيدەنتى.
نۇرسۇلتان نازارباەۆ جەڭىمپاز كومپانيانىڭ جوباسى «جاسىل» ەنەرگەتيكا سالاسىندا ۇلگى بولاتىنىن جانە الداعى قۇرىلىستىڭ وسى تاجىريبەگە نەگىزدەلەتىن ايتا كەلە, «ەكسپو-2017» كورمەسىنىڭ بارلىق ورىنجايى كورمەنى وتكىزگەننەن كەيىن حالىقتىڭ يگىلىگىنە پايدالانۋعا ءتيىس ەكەنىنە تاعى دا نازار اۋداردى.
– ءبىز نازارباەۆ ۋنيۆەرسيتەتى جاعىنان ءۇستى تولىقتاي جابىق, ۇزىندىعى 500 مەتر كوشە سالۋ تۋرالى ۋاعدالاسۋدامىز. ادامدار وندا قىستا دا, جازدا دا ەمىن-ەركىن سەرۋەندەيتىن بولادى. عيماراتتىڭ ءبىرىنشى قاباتىندا ساۋدا كەشەندەرى, قالعان ءۇش قاباتىندا قوناق ۇيلەر, ساۋلەتتى ءۇي-جايلار مەن كەڭسەلەر بولادى. مەن ءۇستى جابىق قالا تۋرالى بۇعان دەيىن دە ايتقانمىن, سول ويىم ەندى جۇزەگە اسۋدا. بۇعان قوسا وندا وتەتىن ءتۇرلى ءىس-شارالاردى ءۇش مىڭنان استام ادام تاماشالاي الاتىن, كورەرمەندەرگە ارنالعان اۋماعى ۇلكەن اشىق الاڭدار, سونداي-اق, ءۇش مىڭ ادامعا لايىقتالعان كونگرەسس-حولل بولادى. وسىنىڭ ءبارى استانا مەن قازاقستان تۇرعىندارىنىڭ يگىلىگىنە اينالادى, – دەدى نۇرسۇلتان نازارباەۆ.
ءوز كەزەگىندە «Adrian Smith+Gordon Gill Architecture LLP» ارحيتەكتۋرالىق كومپانياسىنىڭ قۇرىلتايشىسى ە.سميت «ەكسپو-2017» كەشەنى ءۇشىن بالامالى ەنەرگيانىڭ نەگىزگى كوزى كۇن ەنەرگياسى ەكەنىن حابارلادى.
– ءبىزدىڭ جوبامىزعا سايكەس, عيماراتتىڭ ديزاينى, ونىڭ كونتۋرلارى, ەنەرگيا ۇنەمدەيتىن ماتەريالدار مەن پانەلدەر ەسەبىنەن ەنەرگيانىڭ 48%-ى ۇنەمدەلەدى. شىن مانىندە, بۇل عيمارات ەنەرگەتيكالىق جاعىنان تولىعىمەن ءتيىمدى بولادى. جالپى, ءبىز ءۇشىن بۇل – ەرەكشە جوبا, ويتكەنى, كومپانيامىزدىڭ فيلوسوفياسى سوعان نەگىزدەلگەن. ءبىز ەنەرگيانى ءوزى وندىرەتىن, ەنەرگيالىق جاعىنان ءتيىمدى جانە ەنەرگيالىق تۇرعىدا ورنىقتى عيمارات تۇرعىزعىمىز كەلەدى, بۇل ەنەرگيا كوزدەرىنەن تاسىمالداۋدا ەلەكتر شىعىنىن بولدىرمايدى, – دەدى ە.سميت.
كومپانيانىڭ قۇرىلتايشىسى سفەرا تۇرىندە جوبالانعان نەگىزگى عيمارات «استانا ەكسپو-2017» كەشەنىندەگى ەڭ باستى عيماراتقا اينالاتىنىن جانە وعان ەڭ وزىق تەحنولوگيالار مەن ماتەريالدار پايدالانىلاتىنىن اتاپ ءوتتى.
– سفەرا قۇرىلىسىندا عيماراتتى سىرتقى تەمپەراتۋرا مەن دىبىستان قورعايتىن قوس قاباتتى, جوعارى تەحنولوگيالىق بەرىك اينەك قولدانىلادى. مۇنداي تەحنولوگيا سەۋلدەگى فەدەراتيۆتىك عيماراتتى جوبالاۋ كەزىندە قولدانىلدى. ءبىز ءىس جۇزىندە جوباداعىدان دا ادەمى ءارى جاقسىراق بولۋى ءۇشىن ۇساق بولشەكتەرىنە دەيىن كوڭىل بولەتىن بولامىز. بۇل كەشەن «جاسىل تەحنولوگيالاردى» پايدالانۋعا نەگىزدەلگەن ۇلگىلى جوباعا اينالادى دەپ ويلايمىز, – دەدى ە.سميت.
قورشاعان ورتا جانە سۋ رەسۋرستارى ءمينيسترى نۇرلان قاپپاروۆ ە.ءسميتتىڭ بۇل سالادا 45 جىلدان استام ۋاقىت جۇمىس ىستەيتىنىن ايتتى. وسى ۋاقىت ىشىندە ول الەمدەگى ەڭ بيىك 12 عيماراتتىڭ بەسەۋىنىڭ, سونىڭ ىشىندە ءباا-گى «بۋردج حاليفا» جانە ساۋد ارابياسىنداعى «كينگدوم تاۋەرس» جوبالارىن جاساعان.
سوڭىندا مەملەكەت باسشىسى كورمە نىساندارى قۇرىلىسىنىڭ مەرزىمى مەن ساپاسىنا باقىلاۋ جاسايتىن ينجينيرينگتىك كومپانيا قازىردىڭ وزىندە تاڭداپ الىنعانىنا توقتالدى.
– جوبانىڭ ۇسىنىلعان تۇجىرىمداماسىن جالپى ماقۇلداۋعا بولادى. تاڭداپ الىنعان سفەرانى استانا قالاسىنىڭ باس جوسپارىمەن ۇيلەستىرۋ قاجەت. 2017 جىلعا دەيىن از ۋاقىت قالدى, ەندى جۇمىستى باستاعان ءجون. جوبالاۋشىلار قۇرىلىستىڭ بارلىق كەزەڭىنە قاتىسادى دەپ ۇمىتتەنەمىن جانە ءتيىستى تەحنولوگيا مەن ماماندار تارتىلادى دەپ ويلايمىن. تاجىريبە كورسەتكەندەي, قۇرىلىس توقتاپ قالماس ءۇشىن ساۋلەتشىلەر مەن قۇرىلىسشىلاردىڭ ۇدايى ءارى جەدەل ءوزارا ءىس-قيمىلى قاجەت كەرەك. مۇنداي جوبانى ىسكە اسىرۋ – ەلىمىز ءۇشىن زور جاۋاپكەرشىلىك, سەبەبى ءبىز كەلەتىن ەكى ميلليون ادامدى قابىلداپ قانا قويماي, قۇرىلىستا جوعارى تەحنولوگيانىڭ قولدانىلۋىن كورسەتەتىن بولامىز. كورمە كەشەنى قالانىڭ تانىمالدىعىن ارتتىرادى. كەيىن ونىڭ قالا تۇرعىندارى مەن ەلوردا قوناقتارىنىڭ دەمالىپ, كوڭىل كوتەرەتىن سۇيىكتى ورنىنا اينالۋى دا ماڭىزدى, – دەدى نۇرسۇلتان نازارباەۆ.
