س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ تۇلەكتەر كلۋبى نۇر-سۇلتان قالاسىنىڭ قۇرمەتتى ازاماتى, قازاقستان رەسپۋبليكاسى ءماسليحاتتارىنىڭ قۇرمەتتى دەپۋتاتى, س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ قۇرمەتتى پروفەسسورى, جوعارى وقۋ ورنىمىزدىڭ قۇرمەتتى تۇلەگى, ەلوردانىڭ ءبىرىنشى جوعارى وقۋ ورنىنىڭ تۇلەكتەر كلۋبىنىڭ توراعاسى جاڭبىرشى ەسەتۇلى نۇركەنوۆتىڭ ورنى تولماس قازاسىنا, ومىردەن وتۋىنە بايلانىستى تۋعان-تۋىسقاندارى مەن جاقىندارىنا قايعىلارىنا ورتاق بولىپ, كوڭىل ايتادى.
جاڭبىرشى ەسەتۇلى سوۆەت كومسومولدىق پارتيا جۇمىسىنىڭ ۇلكەن مەكتەبىن ءارتۇرلى جاۋاپتى لاۋازىمداردا وتكىزدى. 1970 جىلى تسەلينوگراد اۋىل شارۋاشىلىعى ينستيتۋتىنىڭ (تساشي) اۋىل شارۋاشىلىعىن مەحانيكالاندىرۋ فاكۋلتەتىن تابىستى اياقتادى. وقۋ جىلدارىندا ينستيتۋتتىڭ كومسومول كوميتەتى حاتشىسىنىڭ ورىنباسارى, سونىمەن قاتار قازاقستان لكجو تسەلينوگراد وبلىستىق كوميتەتىنىڭ شتاتتان تىس حاتشىسى بولىپ جۇمىس ىستەدى. ول ينجەنەر-مەحانيكتىڭ جوعارى اتاعىنا يە بولدى, ءوز ماماندىعىنىڭ ناعىز پاتريوتى بولىپ, ينستيتۋتتا العان ءبىلىمى مەن داعدىلارىن كەز كەلگەن قىزمەتتە شەبەر قولدانا ءبىلدى. «استانا سۋ ارناسى» مكك باس ديرەكتورى قىزمەتىندە دامىپ كەلە جاتقان ەلوردانىڭ تىنىس-تىرشىلىگىن قامتاماسىز ەتۋ بويىنشا ماڭىزدى كاسىپورىن رەتىندە ونىڭ جوعارى كاسىپقويلىعى مەن تالانتى ەرەكشە كوزگە ءتۇستى. وسى كەزەڭدە قالا حالقى مەن اۋماعى ۇلعايۋىنان, جاڭا ينجەنەرلىك جەلىلەر مەن وبەكتىلەردى پايدالانۋعا ەنگىزۋ, سونداي-اق قالانى سۋمەن قامتاماسىز ەتۋ جۇيەسىن جاڭعىرتۋدا كاسىپورىننىڭ ماتەريالدىق-تەحنيكالىق بازاسىن نىعايتۋ قاجەت بولدى. جاڭبىرشى ەسەتۇلى وسى مىندەتتەردى ءساتتى شەشە الدى.
ول قايىرىمدى جانە سەزىمتال باسشى, بەيتانىس ادامدار مەن كاسىپورىن قىزمەتكەرلەرىنىڭ ماسەلەلەرىنە اسا نازار اۋدارىپ, الەۋمەتتىك قولداۋ جاسادى. ونىڭ باستاماسى بويىنشا تۇرعىن ۇيلەر سالىنىپ, قىزمەتكەرلەردىڭ ەڭبەك جاعدايىن جاقسارتۋ بويىنشا بىرقاتار باسقا دا ماڭىزدى ءىس-شارالار وتكىزىلدى, بۇل تۋرالى ونىڭ بۇرىنعى ارىپتەستەرى ۇلكەن ريزاشىلىقپەن ەسكە الادى.
ءوزىنىڭ تاجىريبەسى, امبەباپ ءبىلىمى, ماقساتكەرلىك, جوعارى مورالدىق-ەتيكالىق قاسيەتتەرى ارقاسىندا جاڭبىرشى ەسەتۇلى ءۇش رەت قالالىق ءماسليحاتتىڭ دەپۋتاتى, ءماسليحات حاتشىسى بولىپ سايلاندى.
2006 جىلدان باستاپ ج.ە.نۇركەنوۆ «قازاتۋ تۇلەكتەرى كلۋبى» قب توراعاسى بولدى جانە ونىڭ جۇمىسىن تۋعان «الما ماتەرىنىڭ» دامۋى ءۇشىن شەبەر ۇيىمداستىردى. ونىڭ جەتەكشىلىگىمەن تۇلەكتەر كلۋبى ارداگەرلەر ءۇشىن جىل سايىنعى ءىس-شارالار وتكىزدى, قوعامدىق بىرلەستىك ەسەبىنەن اتاقتى تۇلەكتەر, سپورتشىلار, وليمپيادا ويىندارىنىڭ چەمپيوندارى, الەم جانە ازيا چەمپيوندارى, بەلسەندى ستۋدەنتتەر, از قامتىلعان وتباسىلارىنىڭ ستۋدەنتتەرى, جەتىم جانە ت. ب. ستۋدەنتتەر ءبىلىم الدى.
ءبىزدىڭ جاڭبىرشى ەسەتۇلى قازاقستان رەسپۋبليكاسىنا سىڭىرگەن وراسان ەڭبەگى ءۇشىن جوعارى ۇكىمەتتىك سىيلىقتارمەن, «قۇرمەت» وردەنىمەن, «ەرەن ەڭبەگى ءۇشىن», «قازاقستان رەسپۋبليكاسىنىڭ تاۋەلسىزدىگىنە 10 جىل» مەدالدارىمەن, «حالىقتار دوستىعى» وردەنىمەن, ەڭبەكتەگى جەتىستىگى ءۇشىن وزگە دە كوپتەگەن مەملەكەتتىك سىي-سياپاتتارمەن ماراپاتتالدى.
قازاق اگروتەحنيكالىق ۋنيۆەرسيتەتىنىڭ تۇلەگى س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ قۇرمەتتى پروفەسسورى, تۋعان ەلى مەن جەرىنىڭ شىنايى پاتريوتى جاڭبىرشى ەسەتۇلى نۇركەنوۆتىڭ ەسىمى ءبىزدىڭ جۇرەگىمىزدە ماڭگى ساقتالادى.
س.سەيفۋللين اتىنداعى قازاق
اگروتەحنيكالىق ۋنيۆەرسيتەتىنىڭ تۇلەكتەر
كلۋبىنىڭ قۇرىلتايشىلارى:
ي.ا.ساۋەر, ا.ك.بۋلاشەۆ, ت.ك.ومۋرزاكوۆ,
ا.ۆ.مايەر, م.ا.نابيەۆ, ە.ك.قاسەنوۆ,
ب.ك.ەرتاەۆ, ا.س.سىزدىقوۆ
