ەلباسى الماس بەلگىسىمەن ماراپاتتالدى
ماسكەۋدەگى قازاقستان ەلشىلىگىندە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ماراپاتتالعان حالىقارالىق ينجەنەرلىك اكادەمياسىنىڭ الماس بەلگىسىنىڭ تاپسىرىلۋ ءراسىمى ءوتتى.
بۇل قۇرمەتتى ناگرادا ەلباسىنا «قازاقستاننىڭ ينجەنەرلىك اكادەمياسىنىڭ دامۋىنا جانە تمد ەلدەرىنىڭ عىلىمي, ينجەنەرلىك-تەحنيكالىق قوعامداستىقتارىنىڭ نىعايۋىنا ەلەۋلى ۇلەس قوسقان ءۇشىن» بەرىلدى.
حالىقارالىق ينجەنەرلىك اكادەمياسىنىڭ پرەزيدەنتى بوريس گۋسەۆ قۇرمەت بەلگىسىن تاپسىرۋ ۇستىندە نۇرسۇلتان نازارباەۆتى كەڭەس وداعىنان كەيىنگى كەڭىستىكتە ينجەنەرلىك عىلىمدى دامىتۋداعى ەڭبەگى زور دەپ مالىمدەدى.
اكادەميانىڭ الماس بەلگىسى ينجەنەرلىك قىزمەتتەگى قوعامدىق قۇرمەتتەۋدىڭ جانە كاسىبي ۇزدىكتىكتىڭ ەڭ جوعارعى بەلگىسى بولىپ تابىلادى. ەرەجە بويىنشا عالىمدار, ينجەنەرلەر, ءوندىرىس سالاسىنىڭ وكىلدەرى, كورنەكتى مەملەكەت جانە قوعام قايراتكەرلەرى قىزمەتتەگى ەرەكشە جەتىستىكتەرى ءۇشىن اتالمىش بەلگىمەن ماراپاتتالادى.
اكادەميانىڭ ناگراداسىن قازاقستاننىڭ رەسەيدەگى ەلشىسى مارات ءتاجين قابىلداپ الدى. ەلشىنىڭ ايتۋىنشا, بۇل ماراپات – ەلباسىنىڭ ماڭىزدى عىلىمي جانە ينجەنەرلىك جوبالاردىڭ دامۋىنا قوسقان زور ۇلەسىنىڭ ناقتى كورسەتكىشى.