نۇرسۇلتان نازارباەۆ دونالد ترامپقا امەريكا قۇراما شتاتتارىنىڭ 45-ءشى پرەزيدەنتى بولىپ سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلادى قر پرەزيدەنتىنىڭ ءباسپاسوز قىزمەتى.
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان د.ترامپتى قۇتتىقتاپ, بيىل ەلدەرىمىز اراسىندا ديپلوماتيالىق قارىم-قاتىناس ورناعانىنا 25 جىل تولاتىنىن اتاپ ءوتتى.
«ءسىزدىڭ باسشىلىعىڭىزبەن امەريكا قۇراما شتاتتارى دۇنيە جۇزىندە تۇراقتىلىقتى, قاۋىپسىزدىكتى ساقتاۋ جانە ءوسىپ-وركەندەۋ جولىندا تىرەك بولىپ قالا بەرەتىنىنە سەنىمدىمىن», – دەلىنگەن جەدەلحاتتا.
ەلباسى قازاقستاننىڭ 2017-2018 جىلداردا بۇۇ قاۋىپسىزدىك كەڭەسىنە تۇراقتى ەمەس مۇشە بولۋى ارىپتەستىگىمىزدىڭ ماڭىزدى كەزەڭىنە اينالاتىنىنا سەنىم ءبىلدىردى.
«ءبىز كەڭەس جۇمىسىنا ەلەۋلى ۇلەس قوسىپ, اقش-پەن بارلىق وزەكتى ماسەلەلەر بويىنشا ءوزارا ءتيىمدى ءىس-قيمىل جاساۋعا ءازىرمىز», – دەلىنگەن جەدەلحاتتا.
سوڭىندا نۇرسۇلتان نازارباەۆ دونالد ترامپقا تابىس تىلەپ, ونى قازاقستانعا ساپارمەن كەلۋگە شاقىردى.
