ەلباسى استانانىڭ باس جوسپارى عىلىمي-زەرتتەۋ جوبالاۋ ينستيتۋتىندا بولدى
مەملەكەت باسشىسى وندا استانانىڭ بىرقاتار ينفراقۇرىلىمدىق جوبالارىنىڭ جۇزەگە اسىرىلۋ بارىسىمەن تانىستى.
استانا اكىمى ءا.جاقسىبەكوۆ قازاقستان پرەزيدەنتىنە ساۋلەت جانە قالا قۇرىلىسى سالاسىندا جۇرگىزىلىپ جاتقان جۇمىستار جونىندە باياندادى.
اتاپ ايتقاندا, جۇردەك اۆتوبۋس تاسىمالىن ىسكە قوسۋعا مۇمكىندىك بەرەتىن «BRT. استانا قالاسىنىڭ جاڭا كولىك جۇيەسى» جوباسىن جۇزەگە اسىرۋ جۇمىستارى جۇرگىزىلۋدە.
سونداي-اق, نۇرسۇلتان نازارباەۆقا «ەكسپو-2017» حالىقارالىق كورمەسى نىساندارى مەن جاڭا تەمىرجول ۆوكزالىنا تارتىلاتىن جولداردى جوبالاۋ مەن سالۋ بارىسى تۋرالى دا باياندالدى.
سونىمەن قاتار, مەملەكەت باسشىسىنا ەلوردانىڭ جىلۋ ماگيسترالىنىڭ 4-ءشى جانە 5-ءشى كەزەگىن جوبالاۋ مەن سالۋ, ەنەرگەتيكا كوزدەرى عيماراتتارىن سالۋ مەن قايتا جوندەۋ جۇمىستارى جونىندە اقپارات بەرىلدى.
ەلباسى ورىنبور كوشەسىندەگى, سالتانات قاقپاسى ماڭىنداعى دوڭگەلەك الاڭ مەن مىڭجىلدىق اللەياسىنداعى قۇرىلىستاردى, تۇرعىن ءۇي قۇرىلىستارىن جۇزەگە اسىرۋ جوسپارىن, سونداي-اق استانا قالاسىنداعى ەسكى جانە اپاتتىق جاعدايداعى ۇيلەردى ءسۇرۋ جونىندەگى پيلوتتىق جوبانىڭ جۇزەگە اسىرىلۋ بارىسىن قاراپ شىقتى.
سوڭىندا مەملەكەت باسشىسى ەلوردانى ودان ءارى دامىتۋ بارىسىندا قاپەرگە الىنۋى ءتيىس بىرقاتار ماڭىزدى جايتتاردى ەسكەرتتى.
