نۇرسۇلتان نازارباەۆ رەجەپ تايپ ەردوعانعا تۇركيا رەسپۋبليكاسىنىڭ پرەزيدەنتى لاۋازىمىنا سايلانۋىنا بايلانىستى قۇتتىقتاۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
مەملەكەت باسشىسى قازاقستان حالقىنىڭ جانە جەكە ءوزىنىڭ اتىنان رەجەپ ەردوعاندى تۇركيا رەسپۋبليكاسى پرەزيدەنتىنىڭ سايلاۋىنداعى ايقىن جەڭىسىمەن قۇتتىقتادى.
«سايلاۋ ناتيجەلەرى تۇرىك حالقىنىڭ ءسىزدىڭ ەل باسشىسى لاۋازىمىنداعى قىزمەتىڭىزدى جوعارى باعالاپ, جۇرگىزىپ وتىرعان ساياسي جانە ەكونوميكالىق رەفورمالارىڭىزعا, سونداي-اق دامۋدىڭ ستراتەگيالىق باعىتتارىنا شىنايى قولداۋ بىلدىرگەنىن كورسەتتى.
قازاقستان مەن تۇركيا اراسىنداعى ءوزارا قۇرمەت پەن باۋىرلاستىققا نەگىزدەلگەن ءداستۇرلى دوستىق قارىم-قاتىناس ەكى حالىقتىڭ مۇددەلەرىنە قىزمەت ەتىپ, بولاشاقتا ءبىزدىڭ ستراتەگيالىق ارىپتەستىگىمىز ساپالى جاڭا دەڭگەيگە كوتەرىلەدى دەپ سەنەمىن» دەلىنگەن جەدەلحاتتا.
سوڭىندا نۇرسۇلتان نازارباەۆ رەجەپ ەردوعانعا زور دەنساۋلىق, جاۋاپتى قىزمەتىنە تابىس, ال باۋىرلاس تۇرىك حالقىنا باق-بەرەكە تىلەدى.
