كەشە وكق رەسمي وكىلى التاي ابيبۋللاەۆ ءداستۇرلى بريفينگتە مەملەكەت باسشىسى نۇرسۇلتان نازارباەۆ 24-25 قازاندا مينسكىگە باراتىنىن جەتكىزدى. وندا ەلباسى جوعارى ەۋرازيالىق ەكونوميكالىق كەڭەس پەن تمد مەملەكەت باسشىلارى كەڭەسىنىڭ كەزەكتى وتىرىسىنا قاتىسادى.
ەۋرازيالىق ەكونوميكالىق كەڭەستىڭ اياسىندا كەدەندىك وداقتىڭ دامۋ بولاشاعى مەن وزەكتى ماسەلەلەر تالقىلانىپ, بىرقاتار كەلىسىمدەرگە قول قويىلادى. سونىمەن بىرگە تمد مەملەكەت باسشىلارى كەڭەسىنىڭ وتىرىسىندا 14 ماسەلە قاراستىرىلادى. وتىرىستىڭ قورىتىندىسى بويىنشا قۇپيا اقپاراتتاردى قورعاۋ بويىنشا, سونىمەن قاتار سىبايلاس جەمقورلىققا قارسى ارەكەت جونىندەگى مەملەكەتارالىق كەڭەس قۇرۋ تۋرالى كەلىسىمگە قول قويىلماق.
مەملەكەت باسشىلارى تمد اۋماعىندا 2015 جىلدى ۇلى وتان سوعىسىنىڭ ارداگەرلەرى جىلى دەپ جاريالاۋدى جانە جەڭىستىڭ 70 جىلدىعىن اتاپ ءوتۋ بويىنشا ءىس-شارالاردى بىرلەسىپ قابىلداۋدى كوزدەپ وتىر.
سونىمەن بىرگە مۇنىڭ الدىندا 24 قازان كۇنى مينسكىدە سىرتقى ىستەر ءمينيسترى ەرلان ىدىرىسوۆ پەن قورعانىس ءمينيسترى ادىلبەك جاقسىبەكوۆ تمد ەلدەرىندەگى ارىپتەستەرىمەن كەڭەس وتكىزەدى.
امانعالي شميتۇلى
