قالالىق ورتا ساپاسى جانە باقىلاۋ باسقارماسىنىڭ شىعىستارىنا ءۇش جىلدىق كەزەڭگە 5 ملرد 802,2 ملن تەڭگە, ونىڭ ىشىندە 2022 جىلعا 1 ملرد 934,1 ملن تەڭگە ءبولىندى.
بۇل تۋرالى قالالىق ءماسليحاتتا باتىر كوتىرەۆتىڭ توراعالىعىمەن وتكەن قۇرىلىس, ەكولوگيا, كولىك, ساۋدا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى تۇراقتى كوميسسيانىڭ وتىرىسىندا ايتىلدى. كوميسسيا توراعاسى قالالىق ورتا ساپاسىن باسقارۋ بويىنشا بيۋدجەت قاراجاتىن ماقساتتى جانە ءتيىمدى پايدالانۋ بويىنشا سۇراقتار بار ەكەنىن ايتتى. مىسالى, قالا ىشىندە شومىلۋعا ارنالعان 4 ورىن بەلگىلەنگەن, بىراق ادامدار شومىلۋدان قورقادى, سەبەبى بۇل جەرلەرگە لاس سۋلار قۇيىلادى. بۇل ماسەلە وڭىرلىك قوعامدىق كەڭەستىڭ وتىرىسىندا ەكى رەت كوتەرىلىپ, باسقارماعا, استانا سۋ ارناسىنا تاپسىرمالار بەرىلگەن. سوراقىسى, لاس سۋلاردى اسسەنيزاتورلىق ماشينالار اكەلىپ توگەدى. وڭىرلىك كەڭەس مۇشەلەرى كومەك كورسەتۋگە دايىن, بىراق بۇل – باسقارمانىڭ جانە ۆەدومستۆولىق باعىنىستى ۇيىمداردىڭ لاۋازىمدىق مىندەتتەرى.
قالالىق ورتا ساپاسى جانە باقىلاۋ باسقارماسىنىڭ باسشىسى داۋلەت دوسقۇلوۆ بەرىلگەن وتىنىمگە سايكەس بيۋدجەت پىسىقتالعانىن, قالىپتاستىرىلعانىن جانە دەپۋتاتتارعا كەلىسۋگە ۇسىنىلعانىن باياندادى. كوميسسيا توراعاسى قالالىق باسپانادا جانۋارلاردىڭ قانداي جاعدايدا ۇستالاتىنى تۋرالى سۇراق قويدى, جانۋارلاردى اسىراۋدىڭ جاڭا تاسىلدەرىن ۇسىنۋ قاجەت. ەلوردانىڭ «جاسىل بەلدەۋىندە» يەسىز يتتەر كوپ, ولار قازىر جاسىل ايماقتىڭ فاۋناسىنا قاۋىپ توندىرەدى, قويانداردى جويادى, ۇيالارىن بۇزادى. ءماسليحات حاتشىسى باسقارما باسشىسىنا جانۋارلاردى اسىراۋدىڭ حالىقارالىق تاجىريبەسىن زەردەلەۋدى ۇسىندى.
