Abu Dhabi Plaza قۇرىلىسى قاشان اياقتالادى؟
ەلوردادا سالىنىپ جاتقان Abu Dhabi Plaza عيماراتىنىڭ قۇرىلىسى 97 پايىزعا اياقتالدى. بۇل تۋرالى نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسى ءمالىم ەتتى.
«نۇر-سۇلتان قالاسى ينۆەستيتسيالار جانە كاسىپكەرلىكتى دامىتۋ باسقارماسى Abu Dhabi Plaza نىسانىندا قازىر قۇرىلىس-مونتاجداۋ جۇمىسى كەستەگە سايكەس جۇرگىزىلىپ جاتقانىن حابارلايدى. ورىندالعان جۇمىستىڭ جالپى كولەمى 97 پايىزدان اسادى. 2021 جىلدىڭ سوڭىنا دەيىن سىرتقى جۇمىستاردى تولىعىمەن اياقتاۋ جوسپارلانىپ وتىر. ايتا كەتۋ كەرەك, عيمارات ىشىندە ارلەۋ جۇمىستارى ءارى قاراي دا جالعاسا بەرەدى» دەلىنگەن نۇر-سۇلتان قالاسى اكىمدىگىنىڭ ءباسپاسوز قىزمەتى ۇسىنعان اقپاراتتا. ايتا كەتەيىك, Abu Dhabi Plaza – ورتا ازياداعى ەڭ ءىرى كەشەندەردىڭ ءبىرى. ول جالپى اۋماعى 500 مىڭ شارشى مەتردەن اساتىن بەس عيماراتتان قۇرالعان.