الداعى ءۇش جىلعا ەلوردانىڭ دەنساۋلىق ساقتاۋ سالاسىنا 18 ملرد 340 ملن تەڭگە بولىنەدى. بۇل تۋرالى قالالىق ءماسليحاتتا الەۋمەتتىك-مادەني دامۋ ماسەلەلەرى جونىندەگى تۇراقتى كوميسسيانىڭ وتىرىسىندا ەلوردا بيۋدجەتىنىڭ 2022-2024 جىلدارعا ارنالعان جوباسىن تالقىلاۋ بارىسىندا ايتىلدى.
قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆتىڭ ايتۋىنشا, كەلەسى جىلعى قالانىڭ دەنساۋلىق ساقتاۋ سالاسىنا 8 ملرد-تان استام قارجى ءبولىنىپ, تاعى قوسىمشا 1 ملرد 540 ملن تەڭگە سۇراتىلعان. بۇل ءوتىنىش اكىمدىكتىڭ ەكونوميكا جانە بيۋدجەتتى جوسپارلاۋ باسقارماسى تاراپىنان قاناعاتتاندىرىلعان. «قالادا مەديتسينا قىزمەتكەرلەرىندە جاتاقحانا قاجەتتىلىگى بار. سونىمەن قاتار بالالار اۋرۋحانالارىنىڭ قابىلداۋ پۋنكتتەرىن دە قايتا قۇرۋ جۇمىستارى كۇن تارتىبىندە تۇر. الداعى ۋاقىتتا جاڭا پەريناتالدى ورتالىق سالۋ, جاڭا بالالار اۋرۋحاناسىن اشۋ, 3 ەمحانا, جاتاقحانا تۇرعىزۋ, مەديتسينا مەكەمەلەرىن ماتەريالدىق-تەحنيكالىق قامتاماسىز ەتۋ, كۇردەلى جوندەۋ, وقىتۋ, باسپانامەن قامتاماسىز ەتۋ بويىنشا جۇمىستاردى بيۋدجەتكە ەنگىزسەك, كوپتەگەن ماسەلەلەر شەشىلەدى دەپ ويلايمىن» دەدى ت.مۇراتوۆ.
