تۇڭعىش پرەزيدەنت كۇنىنە وراي قر پرەزيدەنتىنىڭ تەلەراديوكەشەنى ازىرلەگەن «نازارباەۆ فاكتورى» اتتى جاڭا دەرەكتى فيلم قالىڭ كورەرمەنگە جول تارتادى.
دەرەكتى فيلمدە ەلباسىنىڭ قازاقستاندى مەملەكەت رەتىندە قالىپتاستىرۋعا مۇمكىندىك بەرگەن نەگىزگى باستامالارى باياندالعان. كينوكارتيناعا ەلىمىزدىڭ 15 بەلگىلى مەملەكەت جانە قوعام قايراتكەرى تۇسكەن. ولار تۇڭعىش پرەزيدەنتتىڭ سىرتقى ساياساتتى, ەكونوميكانى جۇرگىزۋ ءتاسىلى, ەلدىڭ دامۋى تۋرالى ءوز ويلارىمەن بولىسەدى. ەلباسىنىڭ كوشباسشىلىق قۇبىلىسىن تاريحي ماڭىزى بار شەشىمدەر مەن باستامالار ارقىلى اشادى. فيلمدە كورسەتىلگەن قىزىقتى فاكتىلەر, ەرەكشە پىكىرلەر, ارحيۆتىك كادرلار ەلدە جانە الەمدە بولىپ جاتقان تاريحي وقيعالارمەن ۇيلەسەدى. تاۋەلسىز مەملەكەتىمىزدىڭ تاريحىنداعى ايتۋلى كۇندەر بەينەلەنگەن, تاۋەلسىز قازاقستاندى قۇرۋداعى قازاقستان رەسپۋبليكاسىنىڭ تۇڭعىش پرەزيدەنتىنىڭ ءرولىن, ونىڭ بۇكىل پوستكەڭەستىك كەڭىستىكتىڭ دامۋىنا قوسقان ۇلەسىن كورسەتۋگە ارنالعان.
فيلم بۇگىن ساعات 09:00-دە ەۋرازيا ءبىرىنشى ارناسىنان, ساعات 10:15-تە «قازاقستان» ۇلتتىق ارناسىنان كورسەتىلەدى. سونىمەن قاتار 15:10-دا جەتىنشى ارنادان, ال 19:00-دە ستۆ ارناسىنان تاماشالاۋعا بولادى.
نايما نۇرالىقىزى
