ۇشاتىن تاكسي پايدا بولدى
ۇلىبريتانيانىڭ Vertical Aerospace كومپانياسى ۇشاتىن تاكسي جاساپ شىعارىپ, سىناقتان وتكىزدى.
اۋە تاكسيى ءتورت ادامدى تاسىمالداۋعا ارنالماق. ەگەر ءبارى ءساتتى تۇردە جۇزەگە اسىپ, قاۋىپسىزدىك سەرتيفيكاتتارى الىنار بولسا, 2022 جىلى قولدانىسقا ەنگىزىلمەك. The Times باسىلىمىنىڭ حابارلاۋىنشا, جاڭا تۋىندى ەلەكتر باتارەياسىمەن قوزعالىپ, جىلدامدىعى ساعاتىنا 300 شاقىرىمدى قۇرايدى.
سىناق نەبارى بەس مينۋتقا سوزىلعانمەن, كومپانيا قىزمەتكەرلەرى ونىڭ 800 شاقىرىمدى باسىپ وزۋعا كۇشى جەتەتىنىن ايتىپ وتىر.
ايتا كەتەيىك, Vertical Aerospace 2016 جىلى قۇرىلعان. قازىر مۇندا Airbus, Boeing سەكىلدى الەمگە تانىمال اۆياكومپانيالاردىڭ بۇرىنعى ينجەنەرلەرى جۇمىس ىستەيدى.
سكريپالدى ۋلاعاندار انىقتالدى ما؟
ۇلىبريتانيا پوليتسياسى رەسەيدىڭ بۇرىنعى تىڭشىسى سەرگەي سكريپال مەن ونىڭ قىزىنىڭ ۋلانۋىنا قاتىسى بار ەكى رەسەيلىك ازاماتتى ايىپتاپ وتىر. ال ەلدىڭ پرەمەر-ءمينيسترى تەرەزا مەي كۇدىكتىلەر بارلاۋ قىزمەتىنىڭ قىزمەتكەرلەرى ەكەنىن مالىمدەدى.
– سكريپال مىرزا مەن ونىڭ قىزى اسكەري ۋلاعىش زاتتارمەن ۋلانعانى انىق. ال مۇنداي ءونىم تەك رەسەيدە عانا وندىرىلەدى, – دەدى تەرەزا مەي.
BBC باسىلىمىنىڭ مالىمەتى بويىنشا رەسەي پرەزيدەنتى ۆلاديمير پۋتين ۆلاديۆوستوكتا وتكەن شىعىس ەكونوميكالىق فورۋمىندا ۇلىبريتانيا تاراپى ايىپتاعان كۇدىكتىلەردىڭ كىم ەكەندىگى انىقتالعانىن مالىمدەگەن. الايدا ولاردىڭ كريمينالدى ماسەلەگە قاتىسى جوق ەكەنىن دە جەتكىزدى.
– ءبىز, ارينە, كۇدىكتىلەردى انىقتادىق ءارى تاپتىق. جاقىندا باق وكىلدەرىمەن بايلانىسقا شىعىپ, وزدەرى تۋرالى ايتىپ بەرەدى دەپ ويلايمىن, – دەدى ۆلاديمير پۋتين.
