ەلوردا كورىنىسى – ارحيۆ قۇجاتتارىندا
باس قالاداعى ۇلتتىق ارحيۆتە «ەلوردا بەينەسى – ارحيۆ قۇجاتتارى مەن سيرەك باسىلىمداردا» اتتى كورمە اشىلدى.
كورمەگە قويىلعان قۇجاتتاردان ەلوردانىڭ كەشەگى مەن بۇگىنگى تاريحىنان سىر شەرتەتىن دۇنيەلەر كوبىرەك قامتىلعان. اسىرەسە, وتكەن عاسىر باسىنداعى اقمولانىڭ تاريحىنا شولۋ جۇرگىزگەن دەرەكتەرمەن جاقىن تانىسا الاسىز. سونداي-اق العاش رەت كەلۋشىلەر نازارىنا مەملەكەت باسشىسى قاسىم-جومارت توقاەۆتىڭ 2019 جىلعى 23 ناۋرىزداعى «قازاقستان رەسپۋبليكاسىنىڭ استاناسى – استانا قالاسىن قازاقستان رەسپۋبليكاسىنىڭ استاناسى – نۇر-سۇلتان قالاسى دەپ قايتا اتاۋ تۋرالى» №6 جارلىعى ۇسىنىلدى. سونىمەن بىرگە «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» (1991 جىلعى 16 جەلتوقسان) كونستيتۋتسيالىق زاڭى,
«قازاقستان رەسپۋبليكاسىنىڭ استاناسىن اۋىستىرۋ تۋرالى» قازاقستان رەسپۋبليكاسى جوعارعى كەڭەسىنىڭ قاۋلىسى (1994 جىلعى 6 شىلدە), «قازاقستان رەسپۋبليكاسىنىڭ استاناسى تۋرالى» قازاقستان رەسپۋبليكاسى پرەزيدەنتىنىڭ جارلىعى (1995 جىلعى 15 قىركۇيەك) سەكىلدى ماڭىزدى قۇجاتتار قويىلعان.
شارانىڭ اشىلۋىندا پارلامەنت ءماجىلىسىنىڭ دەپۋتاتى, حالىق قاھارمانى باقىتجان ەرتاەۆ كورمەنىڭ ماڭىزى مەن ەلوردانىڭ ايشىقتى كەلبەتى جايىندا وي ءوربىتتى.