جاقىندا الماتى قالاسىندا قر ءبىلىم جانە عىلىم مينيسترلىگى مەكتەپ وقۋشىلارى اراسىندا ۇيىمداستىرعان X حالىقارالىق ەۋرازيا وليمپياداسى مارەسىنە جەتتى. بۇل ءبىلىم سايىسى سانكت-پەتەربۋرگتىڭ وپتيكا جانە مەحانيكا, اقپاراتتىق تەحنولوگيالار ۇلتتىق زەرتتەۋ ۋنيۆەرسيتەتىمەن ءبىرلەسە وتكىزىلدى.
جاس دارىندىلار ءباسەكەسىندە استانا قالاسىنىڭ وقۋشىلارى ۇلكەن جەتىستىككە قول جەتكىزدى. اتاپ ايتقاندا, قۇرامىندا جان قۇربانباەۆ, امانبول قاناتۇلى جانە ماناس ءماۋلەن سەكىلدى وقۋشىلار توپتاسقان ەلوردالىق «Spectrum: impulse» كومانداسى I دارەجەلى ديپلوم جانە التىن مەدال جەڭىپ الدى. سونداي-اق ولار ءحىح بۇكىلرەسەيلىك كوماندالىق باعدارلامالاۋ بويىنشا وليمپياداسىنىڭ كۇمىس ءجۇلدەگەرى اتاندى.
جالپى, بيىل استانا وقۋشىلارى كوپتەگەن پاندىك جانە ينتەللەكتۋالدى جارىستاردا باق سىناپ, ۇزدىك ناتيجەلەر كورسەتتى.
