ەلوردادا گۇل ەگۋ جۇمىستارى باستالدى. قالانىڭ بارلىق اۋداندارى كوگالداندىرۋ جۇمىستارىنا كىرىسىپ كەتتى.
– اۋدان اكىمدەرى مەردىگەرلەردى انىقتاۋ بويىنشا جۇمىستى كۇشەيتۋى قاجەت. سونداي-اق قالا اۋداندارى 30 مامىرعا دەيىن گۇل ەگۋ جۇمىستارىن اياقتاپ, بارلىق قاجەتتى شارالاردى ىسكە اسىرۋى كەرەك, – دەدى اكىمدىكتەگى كەزەكتى وتىرىستا شاھار باسشىسىنىڭ ورىنباسارى ارمان تۇرلىبەك.
ونىڭ مالىمدەۋىنشە, بيىل گۇلدىڭ رەكوردتىق سانى ەگىلەدى دەپ جوسپارلانۋدا. دالىرەك ايتساق, استانادا 8,6 ميلليون گۇل وتىرعىزىلماق. مۇنىمەن قوسا, جوسپارعا سايكەس كوكتەمگى كەزەڭدە قالادا 14 مىڭ اعاش ەگىلەدى. بۇگىنگە دەيىن ەلوردانىڭ بارلىق اۋداندارى 6688 اعاشتى (47 پايىز), سونداي-اق بۇتالى قورشاۋدىڭ 1450 قۋما مەترىن وتىرعىزعان.
جيىن بارىسىندا اۋدان باسشىلارىنا ءشوپ شابۋ جۇمىستارىن ۇيىمداستىرۋ قاجەتتىگى دە ەسكەرتىلدى.
بۇدان بولەك, ەلوردا اكىمى باقىت سۇلتانوۆ جينالعانداردىڭ نازارىن ۇيلەردىڭ ماڭىنداعى گۇلزارلاردىڭ جاعدايىنا اۋداردى. «قازىرگى ۋاقىتتا بۇلاردىڭ باسىم كوپشىلىگىنە ەشكىم قارامايدى. شاڭ مەن قوقىس جينالاتىن ورىنعا اينالعان. مۇنى ويلاستىرۋ قاجەت, جوبالاۋ كەزىندە بەتون نەمەسە ارنايى تاس توسەۋدى قاراستىرۋ كەرەك» دەپ تۇيىندەدى ءسوزىن ول.
