ەلوردادا العاش رەت استانا اكىمىنىڭ كۋبوگى ءۇشىن تاەكۆوندودان تۋرنير ءوتىپ جاتىر
بۇگىن استانادا «داۋلەت» سپورت كومبيناتىنىڭ بازاسىندا استانا قالاسى اكىمىنىڭ كۋبوگى ءۇشىن تاەكۆوندودان ءتۋرنيردىڭ سالتاناتتى اشىلۋى ءوتتى. شارانى ەلوردا اكىمدىگى, كورەيا رەسپۋبليكاسىنىڭ قازاقستانداعى ەلشىلىگى G-Global حالىقارالىق حاتشىلىعى بىرلەسىپ ۇيىمداستىردى. سالتاناتتى شاراعا كورەي مادەني ورتالىعىنىڭ ديرەكتورى لي دە ۆون جانە ەلوردانىڭ دەنە شىنىقتىرۋ جانە سپورت باسقارماسىنىڭ باسشىسى بەرىك مارجىقپاەۆ قاتىستى.
تۋرنير ەكى كۇنگە جالعاسادى جانە وعان 6-17 جاس ارالىعىنداعى 500-دەن اسا جاس سپورتشى قاتىسۋدا. استانا قالاسىنىڭ اتىنان جارىسقا 160 بالا تۇسەدى.
«بۇل ەڭ الدىمەن ەلوردا برەندىن دامىتۋ جانە نىعايتۋعا, سالاۋاتتى ءومىر سالتىن ناسيحاتتاۋعا باعىتتالعان يميدجدىك جوبا. الداعى ۋاقىتتا جىل سايىن وتكىزىپ, يگى داستۇرگە اينالدىرماقپىز. جارىسقا مەملەكەتتىك مەكەمەلەر دە, جەكە سپورت سەكتسيالارى دا, تاەكۆوندو مەكتەپتەرى دە قاتىسۋدا», – دەيدى استانا ق. تاەكۆوندو فەدەراتسياسىنىڭ پرەزيدەنتى, بەيجىڭدەگى وليمپيادا ويىندارىنىڭ قولا جۇلدەگەرى ارمان چيلمانوۆ.
كادەتتەر جانە جاسوسپىرىمدەر توپتارىندا 12 جاستان اسقان بالالاردىڭ بالدارى ءداستۇر بويىنشا ەلەكتروندىق تۇردە جۇرگىزىلەدى.
ۇيىمداستىرۋشىلاردىڭ ايتۋىنشا, جارىستىڭ ءبىرىنشى كەزەڭىندە جاسوسپىرىمدەر اراسىنداعى جەكپە-جەكتەردە استانا, الماتى جانە وڭتۇستىك قازاقستان وبلىسىنىڭ كوماندالارى جاقسى ناتيجەلەر كورسەتتى. الدا وتەتىن شەشۋشى كەزەڭدەردە كىشى جاس توپتارىنداعى جەڭىمپازداردى تورەشىلەر انىقتايدى. ۇزدىك كوماندا ەلوردا اكىمىنىڭ كۋبوگىن يەلەنەدى.
