3 قاراشادا «استانا» ۇلتتىق سۋرەت گالەرەياسىندا قازاقستان رەسپۋبليكاسى سۋرەتشىلەر وداعىنىڭ مۇشەلەرى – ءمۇسىنشى ەسىموۆ ەركىنبەك پەن سۋرەتشى ەسىموۆا الماگۋل, استانا قالاسى سۋرەتشىلەر وتباسىنىڭ جەكە كورمەسى اشىلادى. تاۋەلسىزدىگىمىزدىڭ 25-جىلدىعىنا ارنالعان «ونەردەگى قوس قانات» ەكسپوزيتسياسىندا قىشتان جاسالعان بۇيىمدار مەن مۇسىندىك توپتامالار, كەسكىندەمە تۋىندىلار قويىلادى.
قوس دارىننىڭ ەڭبەكتەرى تەك قانا قازاقستاندا عانا ەمەس, سونىمەن قاتار شەتەلدەردە دە كوپشىلىك نازارىنا ۇسىنىلىپ ءجۇر. كەسكىندەمە مەن ءمۇسىن بويىنشا جاساعان تۋىندىلار قر ۆەدومستۆولىق جانە ۇكىمەتتىك مەكەمەلەرىندە جانە اقش, جاپونيا, تۇركيا, قحر, گەرمانيا, رەسەيدىڭ جەكە توپتامالارىندا دا بار.
قازاقستاندىق كوركەم سۋرەتشىلەر ەسىمدەرى «قازاقستان ونەرى» ەنتسيكلوپەدياسى «كوركەم سۋرەت» بولىمىنە ەنگەن. كورمە 7 قاراشاعا دەيىن جالعاسادى.
astana.gov.kz
