استانا قالاسى كوممۋنالدىق شارۋاشىلىق باسقارماسىنىڭ سۋ تاسقىنىنا قارسى ارەكەت ەتۋ بويىنشا ازىرلەگەن ارنايى كەشەندى جوسپارىنا سايكەس بۇگىنگى تاڭدا ءتيىستى جۇمىستار جۇرگىزىلۋدە دەپ حابارلادى استانا قالاسى اكىمىنىڭ ءباسپاسوز قىزمەتى.
بۇگىنگى تاڭدا قالادا بارلىق كوشەلەر, مەكتەپ اۋلالارى, دەنساۋلىق ساقتاۋ نىساندارى قاردان تولىق تازارتىلدى.
مەردىگەرلىك ۇيىمدار قالا اۋماعىن ۇدايى باقىلاۋدا, اۋداندىق اكىمدىكتەردە شۇعىل جەلى تەلەفوندارى جۇمىس ىستەيدى.
سۋ تاسقىنى كەزەڭىنەن باستاپ قالادا 250 930 م3 ەرىگەن قار سۋى سورىلدى, ونىڭ ىشىندە 28 237 م3 ءبىر تاۋلىك ىشىندە عانا. 6 690 م3 ينەرتتى ماتەريالدار دايىندالدى. 4 034 دانا تەحنيكا سۋ تاسقىنىنا قارسى جۇمىستارعا تارتىلدى, ءبىر تاۋلىك ىشىندە 443 ءوتىنىش قابىلدانىپ, بارلىعىنا ءتيىستى شارالار قولدانىلدى. بارلىعى ەلوردا جانە جاقىن ماڭداعى ەلدى-مەكەن تۇرعىندارىنان 4541 تەلەفون قوڭىراۋى كەلىپ ءتۇستى, سوڭعى تاۋلىك ىشىندە بۇل كورسەتكىش 635 قۇرادى.
استانانىڭ اۋدان تۇرعىندارىنان 242 قوڭىراۋ كەلىپ تۇسكەن, سونىڭ ىشىندە الماتى اۋدانىندا – 46, سارىارقا اۋدانىندا – 174, ەسىل اۋدانىندا – 22. وتىنىمدەردىڭ 100% قابىلدانىپ, وڭدەلدى.
ەسىل وزەنى بوگەتىندەگى سۋ دەڭگەيى 160 ملن م3, ال جوبالىق كولەمى 450 ملن م3 قۇرايدى.
استانا قالاسى تجد حابارلاۋىنشا, 20 ساۋىردەگى جاعداي بويىنشا, ەلورداداعى سۋ تاسقىنى جاعدايى تۇراقتى. استانا سۋ قويماسىنداعى سۋ كولەمى – 397 ملن م3. سوڭعى ءبىر تاۋلىك ىشىندەگى قۇيىلعان سۋ كولەمى – 10 ملن م3.
