ەلوردادا جۇمىسسىز قالمايسىڭ
استانا قالاسىندا بيىلعى جىلدىڭ العاشقى توقسانىندا ەلىمىز بويىنشا جۇمىسسىزدىقتىڭ ەڭ تومەنگى دەڭگەيى تىركەلدى.
استانا قالاسىنىڭ اكىمى ادىلبەك جاقسىبەكوۆ قالا تۇرعىندارىمەن ءوتكىزگەن ءداستۇرلى كەزدەسۋ بارىسىندا ەلوردادا جاڭا جۇمىس ورىندارىن قۇرۋعا ەرەكشە ماڭىز بەرىلەتىنىن اتاپ ايقان ەدى. وسى باعىتتا كەشەندى ءىس-شارالار قولعا الىنعان. جۇمىسسىزدىقپەن كۇرەسۋدىڭ بەلسەندى شارالارىن قولدانۋدىڭ ارقاسىندا جۇمىسسىزدىق دەڭگەيى 4,7 پايىز مەجەدەگى تومەن كۇيىندە ساقتالىپ قالدى.
استانا قالاسىنىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنىڭ مالىمەتى بويىنشا, وسىدان ەكى جىل بۇرىن, ياعني, 2014 جىلى ەلوردادا جۇمىسسىزدىق دەڭگەيى 5,1 پايىزدى كورسەتسە, بىلتىرعى جىلى 4,7 پايىزعا قول جەتكىزىپ, ۇستىمىزدەگى جىلدىڭ العاشقى توقسانىندا دا وسى مەجەدەن شىعىپ, رەسپۋبليكا بويىنشا حالىقتى جۇمىسپەن قامتۋ جونىندەگى جوعارعى كورسەتكىشتى ساقتاپ قالعان.
وسىلايشا, بۇگىنگى كۇنى استانادا جۇمىسسىزدىقتىڭ ەڭ تومەنگى دەڭگەيى قالىپتاسىپ وتىر. قالا اكىمدىگىنىڭ وسى رەتتەگى ءىس-ارەكەتتەرى بۇل كورسەتكىشتى ءالى دە تومەندەتۋگە, ياعني, جۇمىسسىزدار سانىن قىسقارتۋعا باعىتتالاتىن بولادى. ەلوردانىڭ ەڭبەك نارىعىندا «2016 جىلعا ارنالعان استانا قالاسى حالقىن جۇمىسپەن قامتۋدى قامتاماسىز ەتۋدىڭ كەشەندى جوسپارى» ىسكە اسىرىلۋدا. بۇل جوبا جۇمىسسىز ازاماتتاردى جانە حالىقتىڭ نىسانالى توپتارىن جۇمىسپەن قامتۋدى قامتاماسىز ەتۋگە نەگىزدەلگەن. وسى ماقساتتا بوس ورىندار جارمەڭكەسى ءجيى وتكىزىلە باستادى. سونىمەن قاتار جۇمىس جارمەڭكەلەرىنە مۇمكىندىگى شەكتەۋلى تۇلعالار دا بەلسەندى قاتىسۋعا مۇمكىندىك الىپ وتىر.
اعىمداعى جىلدىڭ وتكەن ءتورت ايىنىڭ قورىتىندىسى بويىنشا, استانادا 6 415 جاڭا جۇمىس ورىندارى ۇيىمداستىرىلدى. ءار اي سايىن استانا قالاسىندا بوس ورىندار كولەمى ارتىپ كەلەدى. اعىمداعى جىلدىڭ باسىنان باستاپ, جۇمىسپەن قامتۋ ورتالىعىنا 4 900 ادام جۇگىنگەن بولاتىن, ولاردىڭ قاتارىنان 2 246 ادام جۇمىسقا ورنالاستىرىلدى.
تۇپتەپ ايتقاندا, تالپىنعانعا استانادا جۇمىس تابىلادى دەمەكپىز.