باس قالانىڭ ەڭ ۇزىن كوشەسىن بىلگىڭىز كەلە مە؟ ول – قابانباي باتىر داڭعىلى. ۇزىندىعى – 16 شاقىرىم.
ءار كوشەنىڭ وزىندىك تاريحى بولادى. قابانباي باتىر داڭعىلى 2001 جىلعا دەيىن «روجدەستۆەنسكايا» دەپ اتالعان ەدى. تەك سول جىلى قابانباي كوشەسى دەپ اۋىسسا, 2004 جىلى قابانباي باتىر داڭعىلى اتاندى. حالقىمىزدىڭ ءبىرتۋار ازاماتىنىڭ اتىنداعى داڭعىل تۇرار رىسقۇلوۆ, كەرەي جانە جانىبەك حاندار, سىعاناق, دوستىق, دىنمۇحامەد قوناەۆ, سارايشىق, سۇلتانبەك قوجانۇلى, اتاسۋ, قورعالجىن تاس جولى, قالقامان كوشەلەرىن قيىپ ءوتىپ, الەكساندر باراەۆ كوشەسىندە اياقتالادى. ءساندى «سالتانات سارايىنان» باستالعان داڭعىل ءسال ىلگەرى اشىق اسپان استىنداعى مۇراجاي «اتامەكەن» ەتنو- مەموريالدى كەشەنمەن جالعاسادى.
ەڭ الىپ ساۋ دا-ويىن-ساۋىق ورتالىعى MEGA Silk Way 2017 جىلى قابانباي باتىر داڭعىلىندا اشىلدى. ونىڭ جالپى اۋدانى – 140000 شارشى مەتر. سونداي-اق, يماندىلىقتىڭ ۇيىتقىسى بولعان «نۇر استانا» مەشىتى, ەلىمىزدەگى ەڭ ۇلكەن «استانا ارەنا» سپورت كەشەنى, «سارىارقا» ۆەلوترەگى, «الاۋ» مۇزايدىنى سەكىلدى عيماراتتاردى دا كورە الاسىز. الەمگە تانىلعان نازارباەۆ ۋنيۆەرسيتەتى دە ءدال وسى داڭعىلدىڭ بويىندا.
شىنار مۇراتقىزى, ل.گۋميلەۆ اتىنداعى ەۋرازيا
ۇلتتىق ۋنيۆەرسيتەتىنىڭ
2-كۋرس ستۋدەنتى
