ەلوردالىق قۇتقارۋشىلار قيىندىققا تاپ بولعاندارعا العاش بولىپ كومەكتەسۋدە

استانادا اۋا رايىنىڭ قولايسىزدىعىنان قيىندىققا تاپ بولعان تۇرعىندارعا ەلوردالىق توتەنشە جاعداي دەپارتامەنتىنىڭ قۇتقارۋشىلارى كومەككە العاشقى بولىپ جەتۋدە, دەپ حابارلايدى astana-akshamy.kz.

8 اقپاندا ەلوردالىق تجد №23 ءورت ءسوندىرۋ بولىمشەسى قار قۇرساۋىندا قالعان اۆتوكولىك يەلەرىنە كومەككە كەلدى. قۇتقارۋشىلار قار قۇرساۋىنان 4 جەڭىل اۆتوكولىكتى جۇرگىزۋشىلەرىمەن بىرگە تازا جول ۋچاسكەسىنە شىعاردى.

سونىمەن قاتار كەشە جەدەل قۇتقارۋ جاساعىنىڭ قۇتقارۋشىلارى جول تالعامايتىن ترەكول تەحنيكاسىمەن اقمولا وبلىسى قورعالجىن اۋدانى شالقار اۋىلىنا اياعى اۋىر ايەل ادامعا كومەك كورسەتۋگە شىقتى. قۇتقارۋشىلار استانادان 156 شاقىرىم قاشىقتىقتا جاتقان اۋىلعا جەتكەن.  قۇتقارۋشىلار اۋا رايىنىڭ قولايسىزدىعىنا قاراماستان اياعى اۋىر ايەلدى قالانىڭ اۋرۋحانالارىنىڭ بىرىنە امان-ەسەن جەتكىزىپ, مەديتسينالىق قىزمەت ماماندارىنا تاپسىردى.

ودان باسقا ەلوردالىق تجد بولىمشەلەرى بايقوڭىر اۋدانى ءوندىرىس كوشەسى 12ب مەكەنجايى بويىنشا قارلى بوراندا قالىپ قويعان اۆتوكولىك جانە اۆتوكولىكتىڭ ىشىندە 17 جولاۋشىys قالاعا جەتكىزدى. اۆتوكولىك قار قۇرساۋىنان جولدىڭ قاردان تازا بولىگىنە شىعارىلدى.

«قۇتقارۋشىلارىمىز كەز-كەلگەن اۋا رايىندا, بارلىق ۋاقىتتا قالا تۇرعىندارىنا كومەككە كەلۋگە دايىن. ءبىز ءۇشىن ءار ادامنىڭ ءومىرى ماڭىزدى! بۇگىنگى جاعدايعا باليانىستى اباي بولىڭىزدار! ءبىزدىڭ كەڭەستەرىمىزگە قۇلاق اسىڭىزدار. قۇرمەتتى تۇرعىندار مەن قالا قوناقتارى, توتەنشە جاعدايلار كەزىندە 101 جانە 112 نومىرىنە قوڭىراۋ شالىڭىزدار»,- دەيدى دەپارتامەنتتىڭ ءباسپاسوز قىزمەتى وكىلدەرى.