ەلوردالىق جاستار ەرلەدى
مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ استانا قالاسى بويىنشا دەپارتامەنتى ەلوردالىق مەملەكەتتىك قىزمەتشىلەر مەن كاسىبي پىكىرسايىسشى ستۋدەنتتەر اراسىندا «قازاقستان بۇگىن جانە بولاشاقتا» تاقىرىبىندا وڭىرلىك تۋرنير وتكىزدى.
پىكىرتالاسقا 44 كوماندا قاتىستى. ناتيجەسىندە استانا قالاسى اكىمدىگىنىڭ قىزمەتكەرى ەرجان ەڭسەباي مەن ەۋرازيا ۇلتتىق ۋنيۆەرسيتەتىنىڭ ستۋدەنتى جازيرا ومىرزاق باسىم بولىپ, رەسپۋبليكالىق دوداعا جولداما العان بولاتىن.
اگەنتتىك جاقىندا «پاراساتتىلىق جانە زاڭ ۇستەمدىگى – ۇلتتىڭ تابىستى بولۋىنىڭ كەپىلى» اتتى اكىمشىلىك-مەملەكەتتىك قىزمەتشىلەر جانە ستۋدەنتتەر اراسىندا رەسپۋبليكالىق پىكىرسايىس ءتۋرنيرىن وتكىزدى. ونىڭ فينالىنا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ رەكتورى فاتيما جاقىپوۆا, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اپپارات باسشىسى سايان احمەتجانوۆ جانە بەلگىلى قوعام قايراتكەرلەرى تورەلىك ەتتى.
ەكى كۇنگە سوزىلعان پىكىرسايىستا «DARABOZ» اتىمەن ونەر كورسەتكەن ەلوردالىقتار جەڭىمپاز اتاندى. «استانا دارىنى-2017» جاستار سىيلىعىنىڭ «ۇزدىك مەملەكەتتىك قىزمەتشى» اتالىمى بويىنشا جەڭىمپازى ەرجان ەڭسەباي مەن «وراتور» دەبات كلۋبىنىڭ مۇشەسى جازيرا ومىرزاق جەڭىستەرىن استانانىڭ 20 جىلدىق مەرەيتويىنا ارنادى.