ەلوردا اكىمى التاي كولگىنوۆ جەس-2-دە بولىپ, الداعى ۋاقىتتا استانانى گازداندىرۋ ماسەلەلەرى بويىنشا كوشپەلى جيىن وتكىزدى.
كەڭەس بارىسىندا جوبالىق-سمەتالىق قۇجاتتامانىڭ ءبىر بولىگى دايىن ەمەس ەكەنى انىقتالدى. ساراپتاما ءالى وتكەن جوق. قازىرگى ۋاقىتتا كونكۋرس بويىنشا سوت داۋلارى ءجۇرىپ جاتىر. كەيبىر جوبالار بويىنشا ءالى كۇنگە دەيىن كونكۋرستار جاريالانعان جوق. بۇل جاۋاپتى قۇرىلىمدار اراسىنداعى كەلىسىلمەگەن ءىس-ارەكەتتەرگە بايلانىستى. ورىنداۋشىلارعا قاراعاندا باستىقتار كوپ بولىپ وتىر. جيىن بارىسىندا الداعى جىلىتۋ ماۋسىمىنا كومىر جەتكىزۋ, «استانا-ەنەرگيا» اق بالانسىنا «جەس-1 جانە جەو-2 كەڭەيتۋ جانە قايتا قۇرۋ» جوباسى اياسىندا سالىنعان جابدىقتاردى بەرۋ بويىنشا اعىمداعى ماسەلەلەر تالقىلاندى. استانالىق جەس-ءتى گازداندىرۋ ماسەلەسىنە قاتىستى, جوبانىڭ 1-كەزەگىن ىسكە اسىرۋ 2019-2021 جج. جوسپارلانعان 633,67 ملن م3 كولەمىندە گاز تۇتىنۋمەن نەمەسە قالانىڭ جالپى گاز تۇتىنۋىنان (658,15 ملن م3) 96 پايىز ەسەپتەلگەن. ايتا كەتۋ كەرەك, جىلۋ بەرۋ ماۋسىمىندا بارلىق قازاندىقتاردىڭ جۇمىس ىستەۋىنە بايلانىستى جابدىقتار مونتاجدالمايتىن بولادى. سونداي-اق قورشاعان ورتاعا زياندى زاتتاردىڭ شىعارىلۋىن قىسقارتۋ ماقساتىندا قازاندىق اگرەگاتتارىندا NID تەحنولوگيالاردى ەنگىزۋ بويىنشا جۇمىستى باقىلاۋعا الۋ تاپسىرىلدى. «جەس-1 جانە جەو-2 – ەلوردانىڭ تىنىس-تىرشىلىگىن قامتاماسىز ەتەتىن ستراتەگيالىق نىساندار. «استانا-ەنەرگيا» اق باسشىلىعى بارلىق شەشىلمەگەن ماسەلەلەردى شۇعىل تۇردە قولعا الۋى قاجەت. ءبىز جىلۋ ەلەكتر ورتالىعىن گاز قابىلداۋعا دايىنداۋىمىز كەرەك. ءتيىستى بولىمشەلەر اپتا سايىن اتقارىلعان جۇمىس تۋرالى ەسەپ بەرۋى ءتيىس» دەپ مىندەتتەدى قالا باسشىسى.
