ەڭبەككەرلەردىڭ ەسەبى تۇگەل
استانا قالاسى اكىمىنىڭ ورىنباسارى اندرەي لۋكيننىڭ توراعالىعىمەن الەۋمەتتiك ارiپتەستiك پەن الەۋمەتتiك جانە ەڭبەك قاتىناستارىن رەتتەۋ جونiندەگi قالالىق ۇشجاقتى كوميسسياسىنىڭ كەزەكتi وتىرىسى ءوتتى.\
بۇل جولى كۇن ءتارتىبى كاسىپوداقتار ماسەلەسى مەن ەڭبەك قاۋىپسىزدىگى ءتوڭىرەگىندە ءوربىدى. وندا كوميسسيا مۇشەلەرى «كاسiپتiك وداقتار تۋرالى» قازاقستان رەسپۋبليكاسى زاڭىنىڭ تالاپتارىنا ساي ءوزىن-ءوزى تاراتۋ راسىمدەرىن ءتۇسىندىرۋ جونىندە اڭگىمە قوزعادى. سونىمەن قاتار, زاڭدىلىقتى ساقتاي وتىرىپ, جۇمىسىن جالعاستىرا الماي وتىرعان كاسىپتىك وداق ۇيىمدارى ءارى قاراي قالاي قارەكەت ەتۋى جايىنا كەڭىنەن توقتالىپ, قۇقىقتارىن ءتۇسىندىردى.
جيىندا قازاقستان رەسپۋبليكاسى جاڭا ەڭبەك كودەكسى شەڭبەرىندە قالانىڭ كاسىپورىندارىندا ۇجىمدىق شارتتى جاساسۋ تۋرالى, ەڭبەك زاڭناماسىن ساقتاۋ, ونىڭ ىشىندە جالاقى بويىنشا بەرەشەكتى وتەۋ بويىنشا جۇمىستى كۇشەيتۋ تۋرالى ماسەلەلەر دە قارالدى.
سونداي-اق, ەڭبەك كۇنىن مەرەكەلەۋگە ارنالعان قالالىق فورۋمدى وتكىزۋ ءجونىندەگى جوسپار-تاپسىرما مەن 2017-2019 جىلدارعا ارنالعان ەڭبەكتى قورعاۋ جانە ەڭبەك قاۋىپسىزدىگىن قامتاماسىز ەتۋ بويىنشا «قاۋىپسىز ەڭبەك» باعدارلاماسىنىڭ جوبالارى تالقىلاندى.
وتىرىس قورىتىندىسىندا تاراپتاردىڭ كەلىسىمى بويىنشا ناقتى شەشىمدەر قابىلداندى.