«بۇگىندە ەلىمىزدە «قىزىل» ايماقتا ەكى ءوڭىر – پاۆلودار جانە سولتۇستىك قازاقستان وبلىستارى بار. ۆاكتسيناتسياعا كەلەر بولساق, 8,5 ميلليون ادام ءبىرىنشى كومپونەنتتى الدى. ەكىنشى كومپونەنت العاندار – 7 ميلليون 800 مىڭ ادام. ەرەسەكتەردىڭ 75 پايىزى ءبىرىنشى, ال 69 پايىزى ەكىنشى كومپونەنتتى سالدىردى. بۇل – تمد ەلدەرى اراسىنداعى ەڭ جوعارى كورسەتكىش. سونىمەن قاتار ءبىز قازىر ۆاكتسينا الا الاتىنداردىڭ ساناتىن كەڭەيتتىك. ەندى بۇل تىزىمگە بالا ەمىزەتىن جانە جۇكتى ايەلدەر, سونداي-اق 12-دەن 18 جاسقا دەيىنگى وقۋشىلار قوسىلدى» دەدى اسقار مامين.
پرەمەر-ءمينيستردىڭ سوزىنشە, جۇقپالى اۋرۋلار اۋرۋحانالارىنداعى جۇكتەمە دەڭگەيى دەنساۋلىق ساقتاۋ جۇيەسى جۇمىسىن ورىنداپ جاتىر دەپ ايتۋعا مۇمكىندىك بەرەدى. «ءبىز ءتورتىنشى تولقىننان امان وتتىك. ەۋروپانىڭ كەيبىر ەلىندە جانە ءبىزدىڭ كورشىلەس ەلدەردە قانداي جاعداي قالىپتاسقانىن بىلەسىزدەر. وسىعان وراي, ءبىز سانيتارلىق-ەپيدەميولوگيالىق جاعدايدى تۇراقتى ساقتاي الىپ وتىرمىز دەپ سانايمىن. اتالمىش ەكى ءوڭىر (پاۆلودار جانە سولتۇستىك قازاقستان وبلىستارى) ءبىز باقىلاپ وتىرعان ديناميكاعا سايكەس, جاقىن ارادا «قىزىل» ايماقتان شىعۋى ءتيىس» دەدى ۇكىمەت باسشىسى.
