ەسىل وزەنى ارناسىنان اسۋى مۇمكىن, دەپ حابارلايدى astana-akshamy.kz
سينوپتيكتەر ەلىمىزدىڭ وڭتۇستىك-شىعىسى مەن وڭتۇستىكتىڭ تاۋلى اۋداندارىندا قاتتى جاڭبىر, سولتۇستىگىندە تۇنگى ۋاقىتتا جاۋىن-شاشىن جاۋاتىنىن بولجاپ وتىر. قالا بەردى, نايزاعاي, تۇمان, جەل كۇشەيىپ, ەلدىڭ وڭتۇستىگىندە داۋىل بولماق.
ورتالىق كوممۋنيكاتسيالار قىزمەتىندە وتكەن بريفينگتە «قازگيدرومەت» رمك ءباسپاسوز حاتشىسى الينا يسماگۋلوۆا الداعى اۋا رايى بولجامىمەن ءبولىستى.
«وتكەن تاۋلىكتە 5 وبلىس بويىنشا 4 گيدرولوگيالىق داۋىلدى ەسكەرتۋ جاريالاندى – سولتۇستىك قازاقستان, شىعىس قازاقستان, اباي, تۇركىستان جانە الماتى وبلىستارىندا. سولتۇستىك قازاقستان وبلىسىندا 15-19 ءساۋىر ارالىعىندا اقمولا وبلىسىنان تەرىساققان, جاباي جانە قالقۇتان وزەندەرىنەن جاناما اعىنداردىڭ كەلۋىنە بايلانىستى ەسىل وزەنى بويىنداعى ع. مۇسىرەپوۆ, شال اقىن جانە ەسىل اۋداندارىندا سۋ دەڭگەيىنىڭ كوتەرىلۋى, سۋ تاسقىنىنىڭ ەكىنشى تولقىنى جانە قاۋىپتى دەڭگەيدەن اسۋى كۇتىلۋدە», – دەدى ول.
سونداي-اق, شىعىس قازاقستان جانە اباي وبلىستارى ەرتىس-ابىلايكيت وزەنىنىڭ گيدرولوگيالىق بەكەتىندە سۋ دەڭگەيى 313 سم قۇراعان (شەكتى دەڭگەي 300 سم).
16-17 ءساۋىر ارالىعىندا تۇركىستان وبلىسىنىڭ بەتكەيلىك اعىننىڭ قالىپتاسۋى جانە وزەندەردە سۋ دەڭگەيلەرىنىڭ كوتەرىلۋى كۇتىلىپ وتىر.
