فيلارمونيالىق وركەستر ەسىل جاعالاۋىندا كونتسەرت قويدى, دەپ حابارلايدى astana-akshamy.kz
استانادا جەڭىستىڭ 79 جىلدىعىن تويلاۋ اياسىندا ە.راحماديەۆ اتىنداعى مەملەكەتتىك اكادەميالىق فيلارمونيانىڭ سيمفونيالىق وركەسترى ەسىل وزەنىنىڭ جاعالاۋىنداعى جاياۋ جۇرگىنشىلەرگە ارناپ ونەر كورسەتتى. شەرۋ بارىسىندا بارلىعىنا ۇنايتىن ءارى تانىس شىعارمالار ورىندالدى.
قالىپتاسقان ءداستۇر بويىنشا تۇرعىندار كوپ جينالاتىن ەلوردانىڭ ورتالىق ساياباعىندا اسكەري مۋزىكانتتار قالا تۇرعىندارى مەن قوناقتارىن جەڭىس كۇنىمەن قۇتتىقتاپ, ونەر كورسەتتى.
مۋزىكالىق مارش «كەنەسارى حان» ەسكەرتكىشىنەن باستالىپ, ورتالىق ساياباقتىڭ «امفيتەاتر» اۋماعىنا دەيىن جالعاستى.
«بۇگىن قالادا مەرەكەلىك كوڭىل-كۇي ورناپ, كونتسەرتتەر قويىلىپ, جاستار ارداگەرلەردى قۇتتىقتاپ جاتىر. جاستارىمىزدىڭ تاريحتى ەسكە الىپ, ءىس-شارالارعا قاتىسىپ جاتقانىنا وتە قۋانىشتىمىن. وركەستر بۇگىن مەنىڭ سۇيىكتى شىعارمالارىمدى ورىندادى», – دەپ ءوز اسەرىمەن ءبولىستى ەلوردا تۇرعىنى.
ەستەرىڭىزگە سالا كەتەيىك, استانا اكىمدىگىنىڭ قاۋلىسىمەن جەڭىستىڭ 79 جىلدىعىنا وراي ۇلى وتان سوعىسى ارداگەرلەرىنە تولەنەتىن تولەماقى مولشەرى ەكى ەسەگە ءوستى. وسىلايشا, ۇوس ارداگەرلەرىنە 2 ملن تەڭگە بەرىلدى. قازىرگى ۋاقىتتا ەلوردادا ۇلى وتان سوعىسىنىڭ جەتى ارداگەرى تۇرادى.
