كەشە استانانىڭ 20 جىلدىعىن مەرەكەلەۋ اياسىندا «ەتنواۋىل» ۇلتتىق مادەني كەشەننىڭ ەكىنشى ماۋسىمى اشىلدى. العاشقى كۇنى «الپامىس» تەاترلاندىرىلعان تسيرك شوۋىنىڭ كورسەتىلىمى باستالدى.
ەتنواۋىل 30 كيىز ۇيدەن, شاعىن ارحيتەكتۋرالىق پىشىندەردەن تۇرادى. 2500 شارشى مەتر اۋماق «قولونەرشىلەر اۋىلى», «سپورتتىق-تسيركتىك شارالار», «كونتسەرت زالى», «دەمالىس اللەياسى», «قازاقتىڭ ۇلتتىق جانە شىعىس حالىقتارىنىڭ تاعامدارى مەيرامحانالارى», «ۇلتتىق سالت-داستۇرلەر», «جىبەك جولى» اتتى شىعىس بازارى, «ساياتشىلىق تۇرلەرى اۋماعى» اتالاتىن بىرنەشە سەكتورعا ءبولىندى.
جاز بويى وتەتىن «الپامىس» شوۋىنا ارنايى كونتسەرت زالى بوي كوتەردى. قازىرگى تەحنولوگيالارعا ساي جابدىقتالعان زالعا ءبىر مەزگىلدە 1000 كورەرمەن سىيادى.
